چنڈی گڑھ، 2 اگست (ہ س)۔دولت مشترکہ کھیل میں تمغے جیتنے والے کھلاڑیوں کو مبارکباد دیتے ہوئے ہریانہ کے وزیر اعلی نائب سنگھ سینی نے کہا کہ ہریانہ کے کھلاڑیوں نے ایک بار پھر ریاست اور ملک کا سر فخر سے بلند کیا ہے۔ انہوں نے کہا کہ کھیلوں میں ہندوستان کی طرف سے جیتے گئے 13 سونے کے تمغوں میں سے سات ہریانہ کے کھلاڑیوں نے جیتے ہیں۔
وزیر اعلی نے کہا کہ ہریانہ کے کھلاڑیوں نے بین الاقوامی سطح پر ریاست کا نام روشن کیا ہے۔ اس سے قبل بھی ہریانہ کے کھلاڑیوں نے مختلف بین الاقوامی مقابلوں میں ملک کی طرف سے جیتے گئے سب سے زیادہ تمغوں میں نمایاں کردار ادا کیا ہے۔ انہوں نے کہا کہ اس بار بھی ریاست کے کھلاڑیوں نے باکسنگ اور جیولین تھرو سمیت کئی مقابلوں میں شاندار کارکردگی کا مظاہرہ کیا ہے۔
ان میں ریواڑی کی پیرا ایتھلیٹکس شرمیلا نے سونے کاتمغہ جیتا ہے، بھیوانی کی باکسر پریتی پنوار، جیسمین لامبوریا، ساکشی چودھری، سچن سیواچ، پریا گھنگھاس اور حصار کی باکسر انکش نے سونے کا تمغہ جیتا ہے۔ اسی طرح پانی پت کے برچھی پھینکنے والے نیرج چوپڑا اور ہانسی کے باکسر نریندر بروال نے چاندی کے تمغے جیتے ہیں۔ بھیوانی کی ایتھلیٹکس سیما ڈسکس تھرو میں کانسہ کا تمغہ جیتنے والی بن گئی ہیں۔
وزیر اعلی نے کہا کہدولت مشترکہ کھیل میں ملک کے لیے کل 13 سونے کے تمغوں میں سے 7 ہریانہ کے کھلاڑیوں نے جیتے ہیں۔ ان میں سے ریاست کے کھلاڑیوں نے 7 سونا، 2 چاندی اور 1 کانسہ کے تمغے جیت کر پورے ہریانہ اور ملک کا نام روشن کیا ہے۔ انہوں نے کھلاڑیوں کے والدین کو بھی نیک خواہشات پیش کیں۔ کھلاڑیوں کی یہ کامیابیاں ریاست کے لاکھوں نوجوانوں کے لیے تحریک بنیں گی۔
وزیر اعلی نے کہا کہ ہریانہ حکومت کھیلوں اور کھلاڑیوں کے لیے مکمل طور پر پرعزم ہے اور کھلاڑیوں کو خصوصی سہولیات فراہم کرتی ہے۔ یہی وجہ ہے کہ ہریانہ کو کھیلوں کا پاور ہاو¿س کہا جاتا ہے اور ریاست کے کھلاڑی ہر بار اس شان کو ثابت کرتے ہیں۔ انہوں نے کہا کہ نئی اسپورٹس پالیسی کے تحت حکومت کی جانب سے موثر اقدامات کیے گئے ہیں۔
وزیر اعلی نے کہا کہ اسپورٹس پالیسی کے تحت نوکریوں کے علاوہ نقد انعامات بھی فراہم کیے جاتے ہیں۔ اس کے علاوہ انڈور اسٹیڈیم، مصنوعی ٹریک اور عالمی معیار کی اکیڈمیاں تعمیر کی جا رہی ہیں۔ گاو¿ں کی سطح پر کھیلوں کی نرسریاں اور نئے کھیل کے میدان تعمیر کیے گئے ہیں۔ جم بھی کھولے گئے ہیں۔
نائب سنگھ سینی نے کہا کہ خواتین کو بااختیار بنانے کے تحت بیٹیوں کو خصوصی اسپورٹس اسکالرشپ اور مفت کوچنگ کی سہولیات فراہم کی جا رہی ہیں۔ کھیلیںگے ہریانہ، جیتیںگے ہریانہ کے عزم کے ساتھ ہماری حکومت کھلاڑیوں کو عالمی معیار کی سہولیات، بہتر کوچنگ اور مالی مدد فراہم کرکے کھیلوں کو نئی بلندیوں پر لے جا رہی ہے۔
وزیر اعلی نے اس اعتماد کا اظہار کیا کہ ہریانہ کے کھلاڑی مستقبل میں ملک اور ریاست کے لیے مزید تمغے جیت کر ملک کا نام روشن کرتے رہیں گے۔ حکومت کھلاڑیوں کو ہر ممکن مدد فراہم کرنے کے لیے تیار ہے۔
ہندوستھان سماچار
---------------
ہندوستان سماچار / عبدالسلام صدیقی
