حیدرآباد ،2 اگست (ہ س)۔ حیدرآباد پولیس کی ایچ-فاسٹ ٹیم اورفوڈ سیفٹی آفیسرنے کشن باغ ایکس روڈ پرواقع ٹوئنکل اسٹارسویٹ ہاؤس میں مشترکہ کارروائی کرتے ہوئے فوڈ سیفٹی سے متعلق متعددسنگین خلاف ورزیوں کا انکشاف کیا۔ معائنے کے دوران معلوم ہوا کہ فوڈ ہینڈلرزہیئرنیٹ،دستانے اورایپران کے بغیرکام کررہے تھے۔ کھانے پینے کی اشیاء زمین پررکھی گئی تھیں،دکان کے احاطے میں صفائی کا مناسب انتظام نہیں تھا،پیسٹ کنٹرول کاریکارڈاورملازمین کے میڈیکل فٹنس سرٹیفکیٹس موجود نہیں تھے،جبکہ ایف ایس ایس اے آئی (ایف ایس ایس اے آئی)لائسنس بھی نمایاں طورپرآویزاں نہیں کیاگیا تھا۔

معاملہ مزید قانونی کارروائی کے لیے فوڈ سیفٹی آفیسرکے حوالے کردیا گیا ہے۔ اگرآپ کو کسی ہوٹل، بیکری یاسویٹ شاپ میں گندگی،غیرمعیاری خوراک یا فوڈ سیفٹی قوانین کی خلاف ورزی نظرآئے توفوری طور پرفوڈ سیفٹی محکمہ یاحیدرآباد پولیس کواطلاع دیں۔ آپ کی ایک شکایت کئی لوگوں کی صحت اور جان کے تحفظ کا سبب بن سکتی ہے۔

ہندوستھان سماچار

ہندوستان سماچار / محمدعبدالخالق