کچھار (آسام)، 31 جولائی (ہ س)۔ آسام کے کچھار ضلع کے جے نگر کمار پاڑا علاقے میں ایک افسوسناک واقعہ میں، پانی کی ٹنکی کی صفائی کے دوران آکسیجن کی کمی کی وجہ سے دم گھٹنے سے چار مزدوروں کی موت ہو گئی۔

جمعہ کو موصولہ اطلاعات کے مطابق چاروں مزدور ایک عمارت کے پانی کی ٹینک میں صفائی کرنے کے لیے داخل ہوئے تھے۔ شبہ ہے کہ ٹینک کے اندر آکسیجن ختم ہونے کی وجہ سے ان کا دم گھٹ گیا جس کے نتیجے میں ان کی موقع پر ہی موت ہو گئی۔

واقعہ کی اطلاع ملتے ہی پولیس نے جائے وقوعہ پر پہنچ کر تفتیش شروع کردی۔ عمارت کے مالک گوتم پال کو حراست میں لے لیا گیا ہے اور اس سے اس معاملے میں پوچھ گچھ کی جا رہی ہے۔

پولیس نے لاشوں کو پوسٹ مارٹم کے لیے بھجوا دیا ہے اور حادثے کی وجوہات جاننے کے لیے تفصیلی تفتیش جاری ہے۔

ہندوستھان سماچار

---------------

ہندوستان سماچار / عبدالسلام صدیقی