بھوپال، 23 جولائی (ہ س)۔ مدھیہ پردیش کے وزیر اعلیٰ ڈاکٹر موہن یادو جمعہ، 24 جولائی کو دورۂ پنا کے دوران ضلع ہیڈ کوارٹر پر واقع ہوم گارڈ گراونڈ پنا میں منعقدہ پروگرام میں 204 کروڑ 26 لاکھ روپے کی لاگت کے 22 ترقیاتی کاموں کی سوغات دیں گے۔ ان میں 94 کروڑ 63 لاکھ روپے کے 6 ترقیاتی کاموں کا افتتاح نیز 109 کروڑ 63 لاکھ روپے کے 16 ترقیاتی کاموں کا سنگِ بنیاد (بھومی پوجن) شامل ہے۔
رابطہ عامہ افسر لکشمن سنگھ نے جمعرات کے روز بتایا کہ وزیر اعلیٰ ڈاکٹر یادو جمعہ کو گورنمنٹ ساندیپنی ہائر سیکنڈری اسکول گنور و پوئی اور گورنمنٹ ڈگری کالج پوئی کی نئی عمارتوں کی تعمیر کا افتتاح کریں گے۔ اس کے علاوہ برج پور اور سہاوا بیراج منصوبے سمیت برہسپتی کنڈ کی خوبصورتی اور گلاس فلور و ویو پوائنٹ سمیت دیگر ترقیاتی کاموں کا افتتاح کریں گے۔
اس کے علاوہ وزیر اعلیٰ ڈاکٹر یادو چار راستوں بالترتیب ٹائیں پہنچ راستے، مکرند گنج-ہردواہی-گنور، مڑوا سے بندھا اور سپتیا-جھرکواں-پگرا-بمہوری راستے کی مضبوطی کے کاموں کا سنگِ بنیاد رکھیں گے۔ ڈائمنڈ میوزیم، جوائنٹ ایس ڈی ایم آفس بلڈنگ پنا سمیت چھترسال پی جی کالج پنا کے سائنس بلاک کی تزئین و آرائش، اپ گریڈیشن اور نئی تعمیراتی کاموں کا سنگِ بنیاد رکھیں گے۔ گیتا پیٹرول پمپ سے پوسٹ آفس چوراہے تک سڑک، ڈیوائیڈر کی تعمیر و دیگر ترقیاتی کاموں اور سوچھ بھارت مشن (شہری) کے تحت آبی نظامت کے کام کا بھی سنگِ بنیاد رکھیں گے۔
انہوں نے بتایا کہ وزیر اعلیٰ ڈاکٹر یادو کی جانب سے سب ڈویژنل آفیسر کے دفتر پوئی کے 370 مربع میٹر تعمیراتی کام، گورنمنٹ پولی ٹیکنیک کالج پنا میں ورکشاپ اور نئی عمارت کی تعمیر، گورنمنٹ ہائر سیکنڈری اسکول ایکسی لینس پوئی میں 100-100 سیٹوں کے حامل بوائز اینڈ گرلز ہاسٹل کی تعمیر، گورنمنٹ ہائی اسکول رکسیہا اور بھاپت پور کرمیان کو ہائر سیکنڈری میں اپ گریڈ کرنے کی تعمیر کا سنگِ بنیاد بھی رکھا جائے گا۔
ہندوستھان سماچار
---------------
ہندوستان سماچار / انظر حسن
