کولکاتہ، 22 ،جولائی (ہ س)۔

مغربی بنگال کے وزیر اعلی شبھیندو ادھیکاری نے ریاستی سرکاری ملازمین کے مہنگائی الاو¿نس ( ڈی اے) کے بارے میں ایک بڑا بیان دیا۔ بدھ کو ودیوت بھون میں منعقدہ ایک پروگرام میں انہوں نے کہا کہ ریاستی اور مرکزی حکومت کے ڈی اے کے درمیان فرق کو آہستہ آہستہ کم کیا جائے گا۔ زیر التواء ڈی اے بھی مرحلہ وار ادا کیا جائے گا۔

وزیراعلیٰ نے کہا کہ بہت سے لوگوں کو توقع تھی کہ حکومت ایک ساتھ 42 فیصد ڈی اے جاری کرے گی، جب کہ سوشل میڈیا پر بھی 10 فیصد ڈی اے کی بات چل رہی ہے۔ انہوں نے کہا کہ حکومت نے 42 فیصد یا 10 فیصد ڈی اے جاری نہیں کیا بلکہ تمام پہلوو¿ں کا جائزہ لینے کے بعد فیصلہ کیا ہے۔

انہوں نے سرکاری ملازمین کو یقین دلایا کہ بقیہ ڈی اے کو مستقبل میں ایڈجسٹ کیا جائے گا، اور ملازمین کو پریشان ہونے کی ضرورت نہیں ہے۔

وزیر اعلیٰ نے یہ بھی کہا کہ پوجا کے مہینے میں اعلان کردہ ڈی اے کی رقم براہ راست سرکاری ملازمین کے بینک کھاتوں میں جمع کرائی جائے گی۔ انہوں نے مزید کہا کہ ریاستی حکومت نے ساتواں پے کمیشن بھی تشکیل دیا ہے جو مستقبل میں تنخواہوں اور الاو¿نسز سے متعلق معاملات میں کلیدی کردار ادا کرے گا۔

وزیر اعلیٰ کے اس بیان کے بعد ریاستی سرکاری ملازمین میں ڈی اے کو لے کر بحث ایک بار پھر تیز ہو گئی ہے۔ تاہم، وزیر اعلیٰ نے اس بارے میں کوئی مخصوص ٹائم فریم فراہم نہیں کیا کہ مرکزی اور ریاستی ڈی اے کے درمیان فرق کب ختم ہو جائے گا۔

ہندوستھان سماچار

ہندوستان سماچار / عطاءاللہ