احمد آباد،22جولائی(ہ س)۔

نیٹ پرچہ لیک معاملے اور مرکزی وزیر تعلیم دھرمیندر پردھان کے استعفے کے مطالبے پر گجرات کانگریس نے بدھ کے روز احمد آباد میں پارٹی دفتر راجیو گاندھی بھون کے باہر زبردست احتجاجی مظاہرہ کیا۔

احتجاج کے دوران چار راستہ علاقے میں کانگریس کارکنوں اور پولیس کے درمیان معمولی جھڑپ بھی ہوئی۔ اس سے قبل راجیو گاندھی بھون میں دھرنا دیا گیا، جس کے بعد کارکنوں نے نعرے بازی کرتے ہوئے ریلی نکالی۔

گجرات پردیش کانگریس کے صدر امت چاوڑا نے احتجاج سے خطاب کرتے ہوئے کہا کہ وزیر اعظم نریندر مودی اور مرکزی وزیر داخلہ امت شاہ کو ملک کے نوجوانوں سے معافی مانگنی چاہیے، جبکہ مرکزی وزیر تعلیم دھرمیندر پردھان کو فوری استعفیٰ دینا چاہیے۔

انہوں نے الزام لگایا کہ راہل گاندھی اور احتجاج کرنے والے نوجوانوں کے ساتھ پولیس کا رویہ جمہوری اقدار کے خلاف تھا، جسے کانگریس کسی صورت قبول نہیں کرے گی۔

ہندوستھان سماچار

ہندوستان سماچار / Mohammad Khan