نئی دہلی، 19 جولائی (ہ س)۔ مرکزی وزیر داخلہ پیر کو راجیہ سبھا میں قومی گیت وندے ماترم کو قومی ترانہ کے برابر درجہ دینے کے لیے ایک بل پیش کریں گے۔ اس بل کے تحت قومی پرچم اور آئین کی توہین اور قومی ترانہ میں رکاوٹیں ڈالنا قابل سزا جرم ہوگا۔

یہ معلومات کل کے راجیہ سبھا کے ایجنڈے میں شامل ہے۔ یہ بل قومی اعزاز کی توہین کی روک تھام کے قانون 1971 میں ترمیم کرتا ہے۔ اس بل کا مقصد قومی گیت وندے ماترم کو قومی ترانے کی طرح احترام دینا ہے۔ جو بھی اس کی توہین کرتا ہے اسے تین سال قید کی سزا کا سامنا کرنا پڑسکتا ہے۔ اس میں گانے کے لازمی تقاضے بھی شامل ہیں۔

اس دوران مرکزی وزیر قانون ارجن رام میگھوال سپریم کورٹ میں ججوں کی تعداد بڑھانے کے لیے لوک سبھا میں ایک بل پیش کریں گے۔ اس بل کا مقصد ملک کی اعلیٰ عدلیہ میں ججوں کی تعداد 33 سے بڑھا کر 37 کرنا ہے۔

پارلیمنٹ کا مانسون اجلاس کل سے شروع ہونے والا ہے۔ صبح، وزیر اعظم نریندر مودی میڈیا کو ایک بیان دیں گے، جس میں تمام فریقین پر زور دیا جائے گا کہ وہ کارروائی کے ہموار انعقاد کو یقینی بنائیں۔ مانسون اجلاس کے پہلے دن، لوک سبھا قطر کے سابق امیر شیخ حمد بن خلیفہ الثانی کو خراج عقیدت پیش کرے گی، جو موجودہ امیر قطرکے والد تھے ۔ لوک سبھا کے ایجنڈے کے مطابق، چھ سابق ممبران کے ساتھ ان کو خراج عقیدت پیش کیا جائے گا۔

ہندوستھان سماچار

---------------

ہندوستان سماچار / عبدالسلام صدیقی