نئی دہلی، 20 جولائی (ہ س)۔ ملک کے شمال مشرقی اور شمال مغربی حصوں میں اگلے 4 سے 5 دنوں کے دوران مانسون کے فعال رہنے کی توقع ہے۔ جب کہ مغربی وسطی اور جنوبی جزیرہ نما ہندوستان کے کچھ علاقوں میں بارش کم ہونے کا امکان ہے۔

ہندوستان کے محکمہ موسمیات (آئی ایم ڈی) کے مطابق، منگل کی صبح اور دوپہر کے درمیان کچھ مقامات پر تیز ہواو¿ں کے ساتھ ہلکی سے درمیانی بارش اور دہلی میں الگ الگ مقامات پر بھاری بارش متوقع ہے۔ اس دن زیادہ سے زیادہ اور کم سے کم درجہ حرارت بالترتیب 31 سے 33 ڈگری سیلسیس اور 24 سے 26 ڈگری سیلسیس کے درمیان رہنے کی توقع ہے۔ 22 جولائی کو صبح سے دوپہر تک کئی مقامات پر ہلکی بارش اور بعض مقامات پر ہلکی بارش کا امکان ہے۔

دہلی میں زیادہ سے زیادہ اور کم سے کم درجہ حرارت بالترتیب 31سے 33 ڈگری سیلسیس اور 22 سے 24 ڈگری سیلسیس کے درمیان رہنے کی توقع ہے۔ 23 جولائی کو صبح سے دوپہر تک بیشتر مقامات پر ہلکی سے درمیانی بارش کا امکان ہے۔ اس دن زیادہ سے زیادہ اور کم سے کم درجہ حرارت بالترتیب 32 سے 34ڈگری سیلسیس اور 21 سے 23ڈگری سیلسیس کے درمیان رہنے کی توقع ہے۔

آئی ایم ڈی کے مطابق آج بعض مقامات پر ہلکی سے درمیانی بارش ہوئی جس سے موسم خوشگوار ہو گیا اور حبس بھری گرمی سے کچھ راحت ملی۔محکمہ موسمیات کے مطابق مانسون کے اگلے 4 سے 5 دنوں کے دوران شمال مغربی اور شمال مشرقی ہندوستان میں سرگرم رہنے کی توقع ہے۔ 21 جولائی کو جموں و کشمیر اور ہماچل پردیش میں الگ الگ حصوں میں انتہائی شدید بارش متوقع ہے۔ اگلے 7 دنوں تک مغربی وسطی اور جنوبی جزیرہ نما ہندوستان میں بارش کی سرگرمیاں کم رہنے کی توقع ہے۔

ہماچل پردیش اور اتراکھنڈ میں اگلے چھ دنوں میں بڑے پیمانے پر بارش ہونے کا امکان ہے، جبکہ مشرقی اتر پردیش، ہریانہ، چنڈی گڑھ، دہلی اور پنجاب میں 21 سے 23 جولائی کے دوران بڑے پیمانے پر بارش ہونے کا امکان ہے۔

وسطی ہندوستان میں، مغربی مدھیہ پردیش، چھتیس گڑھ اور مشرقی مدھیہ پردیش میں اگلے چھ دنوں میں شدید بارش ہوگی۔مشرقی ہندوستان کے انڈمان اور نکوبار جزائر، بہار اور اڈیشہ میں الگ الگ حصوں میں بھاری بارش متوقع ہے۔ شمال مشرقی ہندوستان میں اروناچل پردیش، آسام، میگھالیہ، ناگالینڈ، منی پور، میزورم اور تریپورہ میں اگلے پانچ دنوں میں بارش کا امکان ہے۔

مغربی ہندوستان میں گجرات اور وسطی مہاراشٹر کے کچھ حصوں میں موسلادھار بارش کا امکان ہے۔ 21 سے 26 جولائی کے دوران ساحلی آندھرا پردیش، یانم، شمالی اندرونی کرناٹک، رائل سیما، تمل ناڈو، پڈوچیری اور جنوبی جزیرہ نما ہندوستان میں کرائیکل میں کچھ جگہوں پر شدید بارش کی توقع ہے۔

اس کے ساتھ ہی ، ان علاقوں میں اس دوران تیز ہوائیں چلنے کا بھی امکان ہے، جس سے عوامی زندگی متاثر ہو سکتی ہے۔

ہندوستھان سماچار

ہندوستان سماچار / محمد شہزاد