این ڈی اے حکومت کی جرائم کے تئیں زیرو ٹالرنس کی پالیسی : بھگوان سنگھ کشواہا

پٹنہ، 17 جولائی (ہ س)۔ نائب وزیر اعلیٰ بیجندر پرساد یادو نے بانکی پور سیٹ کے ضمنی انتخاب میں جیت کا دعویٰ کیا ہے۔جمعہ کے روز پٹنہ میں جے ڈی یو دفتر میں منعقدہ جن سنوائی کے بعد نامہ نگاروں سے بات کرتے ہوئے بجیندر پرساد یادو نے کہا کہ بانکی پور این ڈی اے کی ایک معروف سیٹ ہے اور این ڈی اے ضمنی انتخاب میں تاریخی اکثریت سے کامیابی حاصل کرے گی۔انہوں نے اپوزیشن کی طرف سے ’’خالی خزانہ’’ کے الزامات کو مکمل طور پر بے بنیاد قرار دیتے ہوئے کہا کہ ان الزامات میں کوئی صداقت نہیں ہے۔ انہوں نے کہا کہ اپوزیشن مکمل طور پر ایشولیس اور غیر فعال ہو چکی ہے اس لیے وہ صرف گمراہ کن الزامات لگا کر عوام کو گمراہ کرنے کی کوشش کر رہی ہے۔

اس موقع پر موجود وزیر بھگوان سنگھ کشواہا نے کہا کہ این ڈی اے حکومت کی جرائم کے تئیں زیرو ٹالرینس کی پالیسی ہے اور مجرموں کے خلاف سخت کارروائی جاری ہے۔جن سوراج کو نشانہ بناتے ہوئے انہوں نے کہا کہ اسمبلی انتخابات کے دوران بڑے بڑے دعوے کئے گئے تھے، لیکن آج ان کی حقیقت عوام کے سامنے ہے۔ انہوں نے کہا کہ بانکی پور اسمبلی ضمنی انتخاب میں این ڈی اے کی تاریخی جیت یقینی ہے۔ جن سنوائی پروگرام میں وزراء نے ریاست کے مختلف اضلاع سے آئے شکایت کنندگان کے مسائل کو سنجیدگی سے سنے۔ عوام کی جانب سے موصول ہونے والی درخواستوں اور شکایات کا حساسیت کے ساتھ نوٹس لیتے ہوئے انہوں نے متعلقہ عہدیداروں کو ہدایت دی کہ وہ قانونی اور تیز رفتاری سے عملدرآمد کو یقینی بنائیں۔

ہندوستھان سماچار

ہندوستان سماچار / Mohammad Afzal Hassan