نئی دہلی، 17 جولائی (ہ س) ۔دہلی کی وزیر اعلیٰ ریکھا گپتا نے جمعہ کو شکور پور میں 45 نئے آیوشمان جن آروگیہ مندروں کا افتتاح کیا۔ انہوں نے کہا کہ ان مراکز پر80 قسم کے مفت ٹیسٹ کی سہولیات دستیاب ہیں۔

اس موقع پر دہلی کی وزیر اعلیٰ ریکھا گپتا نے کہا کہ حکومت اس بات کو یقینی بنانے کے لیے پرعزم ہے کہ دہلی کے ہر باشندے کو ان کے گھروں اور کالونیوں کے قریب معیاری صحت کی دیکھ بھال تک رسائی حاصل ہو۔ اس مقصد کے لیے دہلی میں فی الحال 415 سے زیادہ آیوشمان جن آروگیہ مندر کام کر رہے ہیں۔ 1,100 سے زیادہ آیوشمان جن آروگیہ مندروں کا ہدف جلد ہی حاصل کر لیا جائے گا۔

وزیراعلیٰ نے کہا کہ ان مراکز پر او پی ڈی، زچہ و بچہ کی صحت کی خدمات، ویکسی نیشن، ضروری ادویات اور 80 اقسام کے مفت ٹیسٹ دستیاب ہیں۔اس موقع پر ایم ایل اے تلک رام گپتا، میونسپل کونسلر کشن لال، ضلع صدر اجے کھٹانہ اور دیگر معززین موجود تھے۔

ہندوستھان سماچار

ہندوستان سماچار / Mohammad Khan