اجے دیوگن اسٹارر کامیڈی ڈرامہ فلم دھمال 4 کی باکس آفس پر اپنی زبردست مقبولیت جاری رکھے ہوئے ہے۔ فلم نے ریلیز کے چوتھے دن اپنی مضبوط گرفت برقرار رکھتے ہوئے ، گھریلو اور عالمی وصولیابی میں بہترین کامیابی درج کی ہے۔ کاروبارکے عام دنوں میں بھی، فلم کی آمدنی نے ثابت کردیا ہے کہ ناظرین میں اس کی مسلسل مقبولیت برقرارہے۔
ساکنلک کے ابتدائی اعداد و شمار کے مطابق، دھمال 4 نے ریلیز کے چوتھے دن (پیر کو) 8.75 کروڑ روپے کی وصولی کی۔ اس سے فلم کا گھریلو خالص مجموعہ 73.75 کروڑ ہو گیاہے۔ اس فلم نے دنیا بھر میں 102.83 کروڑ روپے کی آمدنی حاصل کرکے 100 کروڑ کلب میں شامل ہوگئی ہے۔ فلم کی مسلسل مضبوط کلکشن کو دیکھتے ہوئے، امید ہے کہ یہ شاہد کپور کی فلم او رومیو کے لائف ٹائم کلیکشن 83.35 کروڑ سے آگے نکل جائے گی۔
وہیں، جاسوسی ایکشن فلم الفا، جس میں عالیہ بھٹ، شروری واگھ اور بوبی دیول نے اداکاری کی ہے، اپنے دوسرے ہفتے میں نمایاں طور پر سست ہوگئی ہے۔ فلم نے ریلیز کے 11ویں دن صرف 7.5 کروڑ کمائے، جس سے اس کا مجموعی گھریلو کل مجموعہ 54.35 کروڑ ہو گیا۔ زبردست اوپننگ کے باوجود فلم باکس آفس پر اپنی گرفت برقرار رکھنے میں ناکام رہی۔
اس دوران، اکشے کمار کی ملٹی اسٹارر کامیڈی فلم ویلکم ٹو دی جنگل اپنے آخری مراحل کے قریب ہوتی دکھائی دے رہی ہے۔ فلم نے ریلیز کے 18 ویں دن صرف 5.5 کروڑ روپے حاصل کیے، جس سے اس کی مجموعی گھریلو وصولیابی 130.10 کروڑ ہو گئی۔ فی الحال، تھیٹروں میں دھمال 4 کی مضبوط گرفت دیگر فلموں کی وصولیابی پر واضح طور پر اثر انداز ہو رہی ہے۔
---------------
ہندوستان سماچار / عبدالسلام صدیقی
