راجوری کے گمبھیر مغلاں میں آپریشن شیروالی 35 ویں روز میں داخل

جموں، 26 جون (ہ س)۔ ضلع راجوری کے گمبیر مغلاں کے دوریمیل جنگلات میں جاری 'آپریشن شیروالی' جمعہ کو 35ویں روز بھی جاری رہا۔ جموں و کشمیر پولیس، فوج اور دیگر سیکورٹی ایجنسیاں مشترکہ طور پر آپریشن میں حصہ لے رہی ہیں۔ سرکاری ذرائع کے مطابق یہ وسیع پیمانے پر انسدادِ دہشت گردی آپریشن گزشتہ ماہ مئی کے آخر میں شروع کیا گیا تھا، جس کا مقصد دشوار گزار پہاڑی اور گھنے جنگلاتی علاقوں میں چھپے دہشت گردوں کا سراغ لگا کر انہیں بے اثر کرنا ہے۔

حکام نے بتایا کہ علاقے میں بڑے پیمانے پر تلاشی اور نگرانی کا عمل جاری ہے، جبکہ سیکورٹی فورسز کو ہائی الرٹ پر رکھا گیا ہے۔ آپریشن میں شامل تمام ایجنسیاں باہمی تال میل کے ساتھ کارروائیاں انجام دے رہی ہیں تاکہ مشن کو کامیابی سے مکمل کیا جا سکے۔ انہوں نے کہا کہ سیکورٹی فورسز پورے علاقے پر مسلسل نظر رکھے ہوئے ہیں اور کسی بھی ناخوشگوار واقعے کو روکنے کے لیے اضافی حفاظتی انتظامات بھی کیے گئے ہیں۔ حکام کے مطابق آپریشن اس وقت تک جاری رہے گا جب تک پورے علاقے کی مکمل تلاشی مکمل نہیں ہو جاتی اور طے شدہ تمام مقاصد حاصل نہیں کر لیے جاتے ہیں۔

ہندوستھان سماچار

---------------

ہندوستان سماچار / محمد اصغر