کوچ بہار، 13 جون (ہ س)۔

کوچ بہار شہر میں ہفتہ کی دوپہر اس وقت ہلچل مچ گئی جب پولیس اور مرکزی فورسز کی ایک مشترکہ ٹیم نے بیک وقت ترنمول کانگریس کے سابق ضلع صدر ابھیجیت ڈی بھومک اور ان کے قریبی رشتہ دار اور سابق ضلع جنرل سکریٹری سمرت کنڈو کے گھروں پر چھاپہ مارا۔ اطلاعات کے مطابق پولیس کی بھاری نفری نے ابھیجیت ڈی بھومک کے گھر نمبر 2، کالی گھاٹ روڈ کو گھیرے میں لے کر تلاشی مہم شروع کی۔ ابھیجیت ڈی بھومک اس وقت وہاں موجود نہیں تھے، لیکن ان کے بڑے بھائی، سوجیت ڈی بھومک، بہنوئی، بیٹا اور خاندان کے دیگر افراد موجود تھے۔ اس اچانک کارروائی سے علاقے میں سنسنی پھیل گئی۔

اطلاعات کے مطابق ابھیجیت کے خلاف کوچ بہار کوتوالی پولیس اسٹیشن میں کئی سنگین مقدمات درج ہیں۔ خیال کیا جاتا ہے کہ یہ کارروائی ان معاملات کی بنیاد پر کی گئی ہے۔ تاہم انتظامیہ کی جانب سے ابھی تک کوئی باضابطہ بیان جاری نہیں کیا گیا ہے۔

ہندوستھان سماچار

ہندوستان سماچار / عطاءاللہ