وارانسی، 13 جون (ہ س)۔ سنٹرل بار ایسوسی ایشن وارانسی کے صدر پریم پرکاش گوتم اور جنرل سکریٹری آشیش کمار سنگھ نے وزیر اعلی یوگی آدتیہ ناتھ سے ملاقات کی اور کچہری کی منتقلی کا معاملہ اٹھایا۔ وزیر اعلیٰ یوگی آدتیہ ناتھ نے وارانسی کے ضلع مجسٹریٹ کو ہدایت دی کہ وہ حکومت کو وکلائ کے مطالبے کے لیے شناخت کی گئی زمین کے بارے میں مکمل معلومات پر مشتمل ایک فائل بھیجیں۔

سینٹرل بار ایسوسی ایشن وارانسی کے صدر پریم پرکاش گوتم نے ہفتہ کو کہا کہ وزیر اعلی یوگی آدتیہ ناتھ نے بند کمرے میں بات چیت کا موقع فراہم کیا۔ انہوں نے کہا کہ ہم نے کچہری کی منتقلی کی پرزور وکالت کی۔ وکلائ کی بڑھتی ہوئی تعداد کو دیکھتے ہوئے انہوں نے کچہری کے لیے سینٹرل جیل سے متصل زرعی زمین مختص کرنے کا مطالبہ کیا۔

پریم پرکاش گوتم نے مزید کہا کہ ہماری بات سننے کے بعد وزیر اعلیٰ نے وارانسی کے ضلع مجسٹریٹ کو بلایا اور انہیں ہدایت دی کہ سینٹرل جیل سے متصل زمین کی تمام معلومات ایک فائل میں کرکے حکومت کو بھیجیں۔

فی الحال وکلائ کی بڑھتی ہوئی تعداد کی وجہ سے کچہری میں بیٹھنے کی جگہ دستیاب نہیں ہے۔ کچہری کو فوری طور پر منتقل کرنے کی ضرورت ہے۔

ہندوستھان سماچار

ہندوستان سماچار / محمد شہزاد