لاتیہار، 13 جون (ہ س)۔ ضلع لاتیہار کے صدر تھانہ علاقے کے تحت لاتیہار-سریو مین روڈ پر ہفتہ کو سڑک حادثے میں دو سگے بھائی ہلاک ہو گئے۔ کار اور موٹر سائیکل کے درمیان ٹکر اتنی شدید تھی کہ دونوں موقع پر ہی جاں بحق ہو گئے۔ حادثے کی خبر پھیلتے ہی علاقے میں غم کی لہر دوڑ گئی جبکہ متوفی کے گاوں مرتیاں میں غم کی لہردوڑ گئی۔

مرنے والوں کی شناخت وریندر اوراوں اور اس کے چھوٹے بھائی سریندر اوراوں کے طور پر کی گئی ہے، جو چندوا تھانہ علاقے کے مورتیاںن گاوں کے رہنے والے تھے۔ وہ ذاتی کام کے سلسلے میں سریو علاقہ گئے تھے اور موٹرسائیکل پر واپس لاتیہارجا رہے تھے۔ کھٹگڑی گاوں کے قریب ان کی بائک مخالف سمت سے آنے والی کار سے ٹکرا گئی۔

عینی شاہدین کے مطابق تصادم اس قدر شدید تھا کہ موٹرسائیکل کے پرخچے اڑ گئے۔ آس پاس کے دیہاتیوں اور راہگیروں نے فوری طور پر جائے وقوعہ پر پہنچ کر بچاو اور امدادی کارروائیاں شروع کر دیں۔ مقامی لوگوں کا کہنا ہے کہ حادثے کے بعد دونوں نوجوان کار کے نیچے دب گئے۔ انہیں کافی کوشش کے بعد نکالا گیا لیکن تب تک ان کی موت ہوچکی تھی۔

واقعہ کی اطلاع ملتے ہی صدر پولیس جائے وقوعہ پر پہنچی اور جائے حادثہ کا معائنہ کیا۔ پولیس نے دونوں لاشیں تحویل میں لے کر پوسٹ مارٹم کے لیے بھیج دیں۔ حادثے میں ملوث کار اور موٹر سائیکل کو بھی قبضے میں لے لیا گیا ہے۔ پولیس نے تحقیقات کا آغاز کر دیا ہے اور حادثے کی وجہ جاننے کی کوشش کر رہی ہے۔

اسٹیشن ہاوس آفیسر پرمود کمار نے کہا کہ پولیس حادثے کی تمام پہلووں سے تفتیش کر رہی ہے۔ حادثے کے وقت گاڑی کی رفتار، سڑک کی حالت، ڈرائیور کی غفلت اور دیگر ممکنہ وجوہات کی بھی چھان بین کی جائے گی۔ تحقیقاتی رپورٹ کی بنیاد پر مزید کارروائی کی جائے گی۔

علاقہ مکینوں نے انتظامیہ سے روڈ سیفٹی کے حوالے سے ٹھوس اقدامات کا مطالبہ کیا ہے۔ ان کا کہنا ہے کہ لاتیہار-سریو روڈ پر سڑک حادثات کی بڑھتی ہوئی تعداد تشویشناک ہے۔ انہوں نے مطالبہ کیا ہے کہ حادثات کے شکار مقامات پر انتباہی نشانات لگائے جائیں، رفتار پر قابو پانے کے اقدامات کو نافذ کیا جائے اور ٹریفک کی باقاعدہ نگرانی کو یقینی بنایا جائے۔

جیسے ہی حادثے کی خبر مرتیاں گاو¿ں پہنچی، مرنے والوں کے اہل خانہ میں کہرام مچ گیا۔ ایک ہی خاندان کے دو بیٹوں کی بیک وقت موت نے پورے گاوں کو سوگوار کر دیا ہے۔ خاندان کے افراد غم سے نڈھال ہیں۔ دیہاتیوں، عوامی نمائندوں اور سماجی تنظیموں کے ارکان نے سوگوار خاندان سے تعزیت کا اظہار کیا ہے۔

---------------

ہندوستان سماچار / عبدالسلام صدیقی