روٹاویٹر حادثے میں زخمی نوجوان کسان علاج کے دوران جاں بحق

بیڑ، 13 جون (ہ س)۔ کیج تعلقہ کے سالے گاؤں کے 32 سالہ کسان منگیش بابوراؤ ٹوپے روٹاویٹر حادثے میں شدید زخمی ہونے کے بعد علاج کے دوران انتقال کر گئے۔ وہ خریف سیزن کی بوائی سے قبل کھیت کی تیاری کے دوران پیش آئے حادثے میں زخمی ہوئے تھے اور گزشتہ دس دن سے لاتور کے سہیادری اسپتال میں زیر علاج تھے۔

اطلاعات کے مطابق کھیت میں کام کے دوران ڈرپ آبپاشی کا پائپ روٹاویٹر میں پھنس گیا تھا۔ پائپ نکالنے کی کوشش کے دوران منگیش ٹوپے کا توازن بگڑ گیا اور وہ روٹاویٹر کے بلیڈوں پر جا گرے، جس کے نتیجے میں انہیں پیٹ، ٹانگ اور کان پر شدید چوٹیں آئیں۔ ابتدائی علاج کے بعد انہیں لاتور کے سہیادری اسپتال منتقل کیا گیا، جہاں ان کا آپریشن بھی کیا گیا۔ اگرچہ کچھ دنوں تک صحت میں بہتری کے آثار نظر آئے، تاہم بعد میں ان کی حالت اچانک بگڑ گئی اور وہ دم توڑ گئے۔

منگیش ٹوپے ایک تعلیم یافتہ اور محنتی کسان کے طور پر جانے جاتے تھے۔ ان کے پسماندگان میں والدین، اہلیہ، دو کمسن بیٹیاں اور تین شادی شدہ بہنیں شامل ہیں۔ ان کی موت سے سالے گاؤں اور کیج تعلقہ میں غم کی لہر دوڑ گئی ہے، جبکہ زرعی کاموں کے دوران حفاظتی تدابیر کی ضرورت ایک بار پھر موضوعِ بحث بن گئی ہے۔

ہندوستھان سماچار

--------------------

ہندوستان سماچار / جاوید این اے