پٹنہ، 4 مئی (ہ س)۔ بنگال می بی جے پی کی زبر دست بر تری سے بہار میں جوش و خروش کا ماحول محسوس کیا جا رہا ہے ۔ پیر کی صبح سے رجحانات نے پارٹی کارکنوں کو متحرک کر دیا ہے۔ دریں اثنا بہار کے وزیر اعلی سمراٹ چودھری نے سوشل میڈیا کے ذریعے پارٹی کی ممکنہ کامیابی پر اپنا ردعمل ظاہر کیا ہے۔اپنے پیغام میں وزیر اعلیٰ سمراٹ چودھری نے لکھا، وہ بنگال جہاں شیاما پرساد مکھرجی پیدا ہوئے تھے وہ ہمارا ہے۔ بنگال کے باضمیر اور محب وطن لوگوں کو مغربی بنگال اسمبلی انتخابات میں بھارتیہ جنتا پارٹی کو تاریخی مینڈیٹ دینے پر دلی مبارکباد۔ بھارت ماتا کی جئے ۔الیکشن کمیشن کے تازہ ترین رجحانات کے مطابق سہ پہر 3 بجے تک بی جے پی 192 سیٹوں پر آگے ہے، جب کہ ترنمول کانگریس (ٹی ایم سی) 96 سیٹوں پر آگے ہے۔ یہ اعداد و شمار 294 سیٹوں والی مغربی بنگال اسمبلی میں بی جے پی کے لیے فیصلہ کن برتری کی طرف اشارہ کرتے ہیں۔رجحانات واضح طور پر اشارہ کرتے ہیں کہ 2026 کے اسمبلی انتخابات بنگال کی سیاست میں ایک بڑی تبدیلی لانے کا امکان ہے، اور ریاست ایک بھگوا پرچم لہرانے کے لیے تیار دکھائی دیتی ہے۔ اس تناظر میں وزیر اعلیٰ سمراٹ چودھری نے ڈاکٹر شیاما پرساد مکھرجی کو یاد کرتے ہوئے یہ پیغام شیئر کیا جو اب سیاسی حلقوں میں موضوع بحث بن گیا ہے۔ہندوستھان سماچار

ہندوستان سماچار / Mohammad Afzal Hassan