کھٹمنڈو، 13 اپریل (ہ س)۔ نیپال میں حکومت کے قیام کے 17 دن بعد وزیراعظم اور ان کے وزراء نے اپنے اثاثوں کی تفصیلات عام کر دی ہیں۔ وزراء نے کروڑوں کی نقد رقم، مکانات اور زمینوں پر مشتمل اثاثوں اور شیئروں میں سرمایہ کاری کا اعلان کیا ہے۔ بعض وزراء نے تو بکرے، مرغیوں اور کتوں کو بھی اپنے اثاثوں میں شامل کیا ہے۔

وزیر اعظم بالیندر شاہ کے پاس سب سے زیادہ نقد رقم اور سونا ہے، جب کہ وزیر خزانہ مکانات اور زمینوں کے معاملے میں سر فہرست ہیں۔ یہ بھی سامنے آیا ہے کہ وزیر خارجہ ششیر کھنال، وزیر داخلہ سودن گرونگ، اور وزیر صنعت گوری کماری یادو کے پاس بھی کافی اثاثے ہیں۔

وزیراعظم کے دفتر میں جمع کرائی گئی تفصیلات کے مطابق وزیراعظم بالیندر شاہ کی آمدنی کے ذرائع میں فیس بک، یوٹیوب اور ٹک ٹاک جیسے سوشل میڈیا پلیٹ فارمز سے ہونے والی آمدنی شامل ہے۔ ان کے بینک میں 1 کروڑ 46 لاکھ روپئے جمع ہیں۔ اسکے علاوہ ان کی اہلیہ کے پاس 190 تولے سونا، چاندی اور ہیرے کے زیورات ہیں جسے انہوں نے آبائی جائیداد قرار دیا ہے۔

وزیر خزانہ سوارنیم واگلے کے پاس غیر منقولہ اثاثے ہیں جن کی مالیت 12 کروڑ نیپالی روپئے ہے۔

وزیر خارجہ ششیر کھنال نے 22 تولے سونا اور 10 لاکھ روپے (10 لاکھ) نقد کا اعلان کیا ہے۔ وزیر کھنال نے اپنی اہلیہ کے نام پر مختلف بینکوں میں جمع کی گئی نقد رقم کا بھی انکشاف کیا ہے۔ مزید یہ کہ ان کے نام پر 40 لاکھ روپے مالیت کی گاڑی بھی رجسٹرڈ ہے۔

وزیر داخلہ سودن گرونگ کے پاس 4 کروڑ 31 لاکھ 56 ہزار 200 روپئے کے شیئر ہیں۔ اس کے علاوہ، ان کے پاس 89 تولے سونا اور 6 کلو چاندی ہے۔ نقدی کے لحاظ سے، ان کے پاس 61 لاکھ سے زیادہ کی رقم ہے۔

قانون، انصاف اور پارلیمانی امور کی وزیر سوبیتا گوتم کے پاس دو مکانات ہیں، جو کھٹمنڈو اور چتون میں واقع ہیں۔ گوتم نے انکشاف کیا ہے کہ ان کے پاس پانچ بینکوں میں کل 1,050,335 روپے جمع ہیں۔ ان کے پاس 15 تولے سونا، 9 تولے چاندی اور 1 تولہ ہیرا بھی ہے۔

خواتین، بچوں اور بزرگ شہریوں کی وزیر سیتا وادی نے 18 تولے سونا اور 15 تولے چاندی کی ملکیت کا اعلان کیا ہے۔ فراہم کردہ تفصیلات کے مطابق، ان کے پاس1.5 ملین کے کل بینک ڈپازٹس ہیں۔ زراعت اور لائیو اسٹاک کے زمرے میں وہ 20 مرغیوں اور ایک کتے کی مالک ہیں۔

وزیر صحت نشا مہتا کے پاس 30 تولے سونا اور 50 تولہ چاندی ہے۔ وہ کھٹمنڈو میں 7 انا اراضی کی مالک ہیں، ان کے پاس 1,723,535 نقد ہیں، اور 2.5 ملین کی قیمت کی گاڑی استعمال کرتی ہیں۔

تعلیم، سائنس اور ٹیکنالوجی کے ساتھ ساتھ نوجوان اور کھیل کے امور کے وزیر ساسمت پوکھریل اور ان کے خاندان کے پاس کھٹمنڈو، مورنگ اور للت پور میں مکانات اور زمیینیں ہیں۔ ان کے پاس 25 تولے سونا، 100 تولے چاندی، اور 4 لاکھ 47 ہزار 994 روپئے کا بینک بیلنس ہے۔

ہندوستھان سماچار

---------------

ہندوستان سماچار / عبدالواحد