نئی دہلی، 28 مارچ (ہ س)۔ وزیر اعظم نریندر مودی اتوار کو اپنے ماہانہ ریڈیو پروگرام ’من کی بات‘ کے 132 ویں ایپی سوڈ کے ذریعے ہندوستان اور بیرون ملک سامعین سے خطاب کریں گے۔ یہ پروگرام 29 مارچ کو صبح 11 بجے نشر کیا جائے گا۔

وزیر اعظم نے ہفتے کے روز سوشل میڈیا پلیٹ فارم ’ایکس‘ پر پوسٹ کرتے ہوئے شہریوں سے پروگرام میں شامل ہونے کی اپیل کی۔ انہوں نے سب سے اپیل کی کہ وہ اتوار کو صبح 11 بجے ’من کی بات‘ کے اس نئے ایپی سوڈ کو دیکھیں اور پروگرام کا حصہ بنیں۔یہ مقبول ماہانہ ریڈیو پروگرام ہمیشہ کی طرح تمام آل انڈیا ریڈیو اور دور درشن نیٹ ورکس پر نشر کیا جائے گا۔ یہ آل انڈیا ریڈیو کی نیوز ویب سائٹ اوراے آئی آر آن نیوز موبائل ایپ پر بھی دستیاب ہوگا۔مزید برآں، یہ اے آئی آر نیوز، دوردرشن نیوز، وزیر اعظم کے دفتر اور اطلاعات و نشریات کی وزارت کے یوٹیوب چینلز پر بھی براہ راست نشر کیا جائے گا۔قابل ذکر ہے کہ ’من کی بات‘ پروگرام کے ذریعے وزیر اعظم نریندر مودی ملک کے مختلف سماجی، ثقافتی اور ترقی سے متعلق مسائل پر اپنے خیالات کا اشتراک کرتے ہیں اور عام لوگوں سے براہ راست رابطہ قائم کرتے ہیں۔

ہندوستھان سماچار

ہندوستان سماچار / Mohammad Khan