جموں, 18 مارچ (ہ س)۔ جموں و کشمیر کے بالائی علاقوں میں تازہ برفباری کے باعث عارضی طور پر بند کی گئی مغل روڈ کو بدھ کے روز ہلکی موٹر گاڑیوں کے لیے دوبارہ کھول دیا گیا ہے۔

ایس ایس پی ٹریفک رورل فاروق قیصر کے مطابق پیر کی گلی کے علاقے میں موسم کی صورتحال بہتر رہنے کی صورت میں ہی ٹریفک کی بحالی برقرار رہے گی۔

انہوں نے بتایا کہ موجودہ ایڈوائزری کے تحت گاڑیوں کی آمد و رفت کو صبح 11 بجے سے سہ پہر 3 بجے تک محدود رکھا جائے گا اور اس دوران ٹریفک کی سخت نگرانی کی جائے گی۔حکام نے مسافروں کو ہدایت دی ہے کہ وہ مغل روڈ پر سفر کے دوران انتہائی احتیاط برتیں اور ٹریفک قوانین پر سختی سے عمل کریں۔

ہندوستھان سماچار

---------------

ہندوستان سماچار / محمد اصغر