نئی دہلی، 24 فروری (ہ س)۔ یوتھ کانگریس نے منگل کو اپنے قومی صدر ادے بھانو چِب اور دیگر کارکنوں کی گرفتاری کے خلاف احتجاج کیا۔ مظاہرین کا کہنا تھا کہ یہ جمہوریت کو دبانے کی کوشش ہے۔

یہاں یوتھ کانگریس ہیڈکوارٹر پر منعقدہ احتجاجی مظاہرے کی قیادت تنظیم کے قومی جنرل سکریٹری، سکریٹریز اور مختلف ریاستی صدور نے کی۔ اس دوران کارکنوں نے مرکزی حکومت کے خلاف نعرے لگائے اور اپنی ٹی شرٹس اتار کر احتجاج کیا۔

احتجاج کے دوران یوتھ کانگریس کے قومی جنرل سکریٹری ہرپال چدوشما نے کہا کہ پرامن طریقے سے احتجاج کرنا جمہوری حق ہے۔ کسانوں، نوجوانوں اور صنعت سے متعلق مسائل پر سچ کو دبانے کی کوشش کی جا رہی ہے۔

اس دوران دہلی ریاستی یوتھ کانگریس کے صدر اکشے لاکرا نے کہا کہ یوتھ کانگریس کے قومی صدر اور دیگر کارکنوں کی گرفتاری غلط ہے۔

---------------

ہندوستان سماچار / عبدالسلام صدیقی