بریلی، 20 فروری (ہ س)۔ رنگوں کے تہوار سے عین قبل شہر کے کھانے پینے کی اشیاءکے حوالے سے ایک چونکا دینے والا سچ سامنے آیا ہے۔ فوڈ سیفٹی ٹیم کے معائنے میں پاستا مصالحہ سے لے کر مرچ پاو¿ڈر، چائے کی پتی، بھنے ہوئے چنے، ریفائنڈ آئل اور گھی تک، ہر چیز میں سنگین کمی پائی گئی۔ بہت سے نمونے غیر معیاری پائے گئے جبکہ کچھ بالکل غیر محفوظ تھے۔ اس رپورٹ نے مارکیٹ کی حقیقت سے پردہ اٹھا دیا ہے اور اب سوال یہ ہے کہ تہوار کے دوران لوگوں کی تھالی میں اصل میں کیا پیش کیا جا رہا تھا۔

پرساکھیڑا انڈسٹریل ایریا میں واقع میسرز ایچ این فوڈ پروڈکٹس سے لیا گیا’چٹ پٹا پاستا مصالحہ“ کے نمونے کو لیب نے غیر معیاری اور غیر محفوظ قرار دیا تھا۔ جانچ میں اس میں لمپس اور فنگل گروتھ کا انکشاف ہوا، جس سے یہ واضح طور پر استعمال کے قابل نہیں تھا۔ اسی طرح شیام گنج میں واقع میسرز مورتی انٹرپرائزز سے لئے گئے بھنے ہوئے چنے کے نمونے میں اورامائن رنگ پایا گیا، جو کھانے کی مصنوعات میں سختی سے ممنوع ہے۔ لیبارٹری نے اسے غیر محفوظ قرار دیا۔ تہوار کے موسم میں اس قسم کی زہرکھلے عام فروخت ہوتا رہا۔

عزت نگر میں واقع میسرز ملا جی چاول والے کی دکان سے سپت رشی برانڈ کے دھنیا اور ہلدی کے پاو¿ڈر کے نمونے غیر معیاری پائے گئے۔ دوسری جانب، اسی دکان سے لیا گیا مصالحہ دار مرچ پاو¿ڈر (سپترشی برانڈ) کو غیر محفوظ قرار دیا گیا جس میں سوڈان-2 اور سوڈان-3 جیسے خطرناک رنگ پائے گئے۔ ان رنگوں کو کینسر جیسی سنگین بیماری کے لئے مہلک مانا جاتا ہے۔ چائے کے شوقین افراد کے لیے بھی خبر اچھی نہیں ہے۔ شاہدانہ شیام گنج واقع میسرز رچ انڈیا ٹی پرائیویٹ کے اے ٹی سی برانڈ کی چائے کی پتیوں میں سن سیٹ پیلا رنگ پایا گیا، جسے لیب نے غیر معیاری اور غیر محفوظ قرار دیا ہے۔

ناریوال روڈ پر واقع میسرز بالاجی ٹریڈرز لمیٹڈسے لئے گئے ”راج ہنس ہیلتھ ریفائنڈ سویابین آئل“ کا نمونہ غیر معیاری پایا گیا۔ وہیں87، سول لائنز پر واقع میسرز دیپک سویٹس اینڈ آئس کریم پرائیویٹ لمیٹڈسے لئے گئے گھی کے نمونے بھی معیارات پر پورا اترنے میں ناکام رہے۔

فوڈ سیفٹی اینڈ اسٹینڈرڈز ایکٹ 2006 کے سیکشن 46(4) کے تحت متعلقہ تاجروں کو 30 دنوں کے اندر اپیل کرنے کا موقع دیا گیا ہے۔ اگر مقررہ مدت میں اپیل نہ کی گئی تو قواعد کے مطابق سخت کارروائی کی جائے گی۔ اس دوران ہولی کے پیش نظر خصوصی مہم بھی چلائی جا رہی ہے۔ دودھ اور پنیر کے نمونے شفا ڈیری (پرسونا روڈ)، راجیش دودھ فروش (ناریوال) اور گلاب نگر ، پریم نگر میں واقع اداروں سے لیے گئے ہیں۔ اس کے علاوہ فرید پور علاقے کے 9 کولڈ اسٹوریج کا معائنہ کیا گیا ہے۔ جہاں کوتاہی پائی گئی وہاں بہتری کے نوٹس جاری کرنے کی تیاریاں جاری ہیں۔

ضلع مجسٹریٹ اویناش سنگھ نے واضح پیغام دیا ہے کہ تہواروں کے نام پر عام آدمی کی پلیٹ میں زہر گھولنے والوں کو بخشا نہیں جائے گا۔ مہم جاری رہے گی، رپورٹ آنے کے بعد مزید قانونی کارروائی کی جائے گی۔ فی الحال، گاہکوں کو ہولی کی خریداری کرتے وقت محتاط رہنے کی ضرورت ہے۔ چمکدار رنگوں اور پرکشش پیکیجنگ کے پیچھے چھپی حقیقت ان کی صحت کے لیے نقصان دہ ثابت ہو سکتی ہے۔

ہندوستھان سماچار

ہندوستان سماچار / محمد شہزاد