جموں, 19 فروری (ہ س)راجوری پولیس نے 54 راشٹر رائفل کے ساتھ مشترکہ کارروائی کرتے ہوئے ایک دہشت گرد معاون کو گرفتار کر لیا اور اس کے قبضے سے اسلحہ اور گولہ بارود برآمد کر لیا۔پولیس کے مطابق خفیہ اطلاع ملنے پر نوشہرہ کے علاقے میں فوری کارروائی کی گئی، جس کے دوران سچن جمار عرف پمّا ولد سیجے کمار سکنہ سیہر نوشہرہ کو حراست میں لیا گیا۔تلاشی کے دوران ملزم کے قبضے سے ترکی ساختہ نو ملی میٹر پستول بمعہ تین میگزین، چین ساختہ تیس بور پستول بمعہ ایک میگزین اور نو ملی میٹر کے پندرہ زندہ کارتوس برآمد ہوئے۔اس سلسلے میں تھانہ نوشہرہ میں مقدمہ درج کر کے مزید تفتیش شروع کر دی گئی ہے۔ ابتدائی جانچ میں معلوم ہوا ہے کہ ملزم پاکستان میں موجود سرحد پار منشیات اور دہشت گردی سے جڑے عناصر کے ساتھ رابطے میں تھا۔

ہندوستھان سماچار

---------------

ہندوستان سماچار / محمد اصغر