جے پور، 19 فروری (ہ س) ۔پرتاپ نگر تھانہ علاقہ میں واقع آر یو ایچ ایس میڈیکل کالج کو جمعرات کی دوپہربم سے اڑانے کی دھمکی ملنے کے بعد میں افرا تفری مچ گئی ۔ کالج کے ای میل ایڈریس پر ایک دھمکی آمیز پیغام موصول ہوا، جس میں دھماکے کی وارننگ دی گئی تھی۔

اسسٹنٹ کمشنر آف پولیس (اے سی پی سانگانیر) ہری شنکر شرما نے بتایا کہ 11 بجے کے قریب آر یو ایچ ایس میڈیکل کالج کے ای میل پر بم کی دھمکی ملنے کے بعد کالج انتظامیہ نے فوری طور پر پولیس کنٹرول روم کو اطلاع دی۔ اطلاع ملتے ہی پولیس، اے ٹی ایس، ڈاگ اسکواڈ، بم ڈسپوزل اسکواڈ (بی ڈی ایس)، فائر بریگیڈ اور ایمبولینس کی ٹیمیں جائے وقوعہ پر پہنچیں۔

سیکورٹی اداروں نے میڈیکل کالج کے پورے کیمپس کو خالی کرا لیا اور تلاشی مہم شروع کی۔ ڈاگ اسکواڈ کی مدد سے تمام عمارتوں، کمروں اور حساس مقامات کا مکمل معائنہ کیا گیا۔ ابتدائی تحقیقات میں کوئی مشکوک چیز سامنے نہیں آئی۔ تاہم احتیاطی تدابیر کے طور پر کچھ دیر تک تلاش جاری رہی۔

پولیس حکام کے مطابق دھمکی آمیز ای میل کی تکنیکی طور پر تحقیقات کی جا رہی ہیں اور بھیجنے والے کی شناخت اور اس کا پتہ لگانے کی کوشش کی جا رہی ہے۔ صورتحال فی الحال معمول پر ہے تاہم سیکورٹی ادارے ہائی الرٹ پر ہیں۔

ہندوستھان سماچار

ہندوستان سماچار / محمد شہزاد