راج - شندے سے ملاقات ٹھاکرے خیمے میں ہلچل، راوت کی وضاحت

شیوسینا (ٹھاکرے گروپ) کے رکن پارلیمان سنجے راوت نے کہا ہے کہ راج ٹھاکرے اور نائب وزیر اعلیٰ ایکناتھ شندے کے درمیان حالیہ ملاقات سے موجودہ سیاسی اتحاد متاثر نہیں ہوگا، تاہم انہوں نے اس معاملے پر اپنی جماعت کے اندر پائی جانے والی بے چینی کا بالواسطہ اظہار بھی کیا۔ممبئی ، 19 فروری (ہ س)

انہوں نے واضح کیا کہ ان کی سیاسی جدوجہد ایکناتھ شندے کی نمائندگی کرنے والے “رجحان” کے خلاف ہے۔ راوت کے مطابق شندے نے بال ٹھاکرے کی قائم کردہ شیوسینا سے بغاوت کی اور پارٹی کے نظریے سے روگردانی کی۔ انہوں نے دعویٰ کیا کہ وزیر اعظم نریندر مودی اور مرکزی وزیر داخلہ امیت شاہ نے سیاسی مفاد میں شندے کی سرپرستی کی اور بدستور حمایت کر رہے ہیں۔

راوت نے کہا کہ مہاراشٹر اور مراٹھی عوام سے بے وفائی کرنے والوں کے خلاف ان کی مزاحمت جاری رہے گی۔ انہوں نے الزام لگایا کہ شندے کی سیاسی مضبوطی شیوسینا کے نام اور اس کے ‘دھنش اور تیر’ نشان کے حصول پر مبنی ہے، جسے انہوں نے “چوری” قرار دیا۔ راج ٹھاکرے کی ملاقات سے متعلق سوال پر انہوں نے کہا کہ اس کا جواب وہ خود دے سکتے ہیں، کیونکہ انہیں اس ملاقات کا علم میڈیا کے ذریعے ہوا اور کسی کو کسی سے ملنے سے نہیں روکا جاسکے۔ ممکنہ حمایت کے سوال پر راوت نے کہا کہ یہ راج ٹھاکرے کا اپنی پارٹی کے سربراہ کی حیثیت سے آزاد فیصلہ ہو سکتا ہے۔ ان کے بقول ان کی جدوجہد اُن افراد کے خلاف ہے جنہوں نے بالاصاحب کے نظریات کو چھوڑا، اور بالآخر کامیابی ان ہی کی ہوگی۔ کلیان-ڈومبیولی میونسپل کارپوریشن کے میئر کے انتخاب کو انہوں نے بدقسمتی قرار دیا اور کہا کہ یہ کانگریس کی سنگین غلطی کا نتیجہ تھا۔ انہوں نے واضح کیا کہ شیوسینا (ٹھاکرے دھڑا) یا ادھو ٹھاکرے کی جانب سے بھارتیہ جنتا پارٹی کی حمایت کا کوئی ارادہ نہیں تھا۔چندراپور میں بھارتیہ جنتا پارٹی

راوت نے بتایا کہ انہوں نے نیشنلسٹ کانگریس پارٹی (شرد چندر پوار دھڑا) کے قائد شرد پوار سے گفتگو کی ہے، جو راجیہ سبھا کے لیے میدان میں اترنے کو تیار ہیں۔ انہوں نے امید ظاہر کی کہ مہاوکاس اگھاڑی ایک امیدوار کو کامیاب بنا سکتی ہے اور جلد حتمی فیصلہ کیا جائے گا۔ انہوں نے اس بات پر زور دیا کہ شرد پوار کسی بھی حالت میں بھارتیہ جنتا پارٹی کے ساتھ نہیں جائیں گے۔ادھو ٹھاکرے کے بارے میں راوت نے کہا کہ ان کی قانون ساز کونسل میں موجودگی ضروری ہے اور اس سلسلے میں جلد بات چیت ہوگی۔

آخر میں انہوں نے حکومت پر تنقید کرتے ہوئے کہا کہ جب فرانس کے صدر کو گیٹ وے آف انڈیا لے جایا گیا تو دس سال قبل اسی مقام پر وزیر اعظم مودی کی جانب سے شیومیموریل کی بنیاد رکھنے کو یاد کیا جانا چاہیے تھا۔ ان کا کہنا تھا کہ اگرچہ اس وقت کوئی انتخابی ماحول نہیں، مگر وزیر اعلیٰ دیویندر فڑنویس کو کم از کم اس حقیقت کو یاد رکھنا چاہیے تھا۔

ہندوستھان سماچار

--------------------

ہندوستان سماچار / جاوید این اے