سرینگر، 19 فروری (ہ س) سیکورٹی فورسز نے راجوری ضلع کے نوشہرہ سیکٹر میں ایک شخص کو گرفتار کیا اور اس کے قبضے سے اسلحہ اور گولہ بارود برآمد کیا۔ ایک سینئر پولیس افسر نے تصدیق کی کہ پولیس اور فوج کی 54 راشٹریہ رائفلز کی ایک مشترکہ گشتی پارٹی نے سیکٹر کے رائے پور علاقے سے مشتبہ شخص کو گرفتار کیا، جس کی شناخت سچن کمار ولد سیجے کمار ساکن سائر، نوشہرہ کے طور پر کی گئی۔ انہوں نے بتایا کہ تلاشی کے دوران اس کے پاس سے دو غیر ملکی ساختہ پستول (ترکی/چینی ساختہ)، چار میگزین اور 15 زندہ راؤنڈ برآمد ہوئے۔ نوشہرہ پولیس اسٹیشن میں آرمس ایکٹ اور بھارتیہ نیائے سنہتا (بی این ایس) کی متعلقہ دفعات کے تحت مقدمہ درج کیا گیا ہے اور مزید تفتیش جاری ہے۔ہندوستھان سماچار

ہندوستان سماچار / Aftab Ahmad Mir