بھوپال، 19 فروری (ہ س)۔ کسانوں کی بہبود اور زرعی ترقی کے وزیر ایدل سنگھ کنشانا نے کہا ہے کہ ریاستی حکومت کسانوں کے مفادات کے تحفظ کے لیے پوری طرح پرعزم ہے اور ہر حال میں کسانوں کے ساتھ مضبوطی سے کھڑی ہے۔ حال ہی میں ریاست کے مختلف علاقوں میں ہوئی بارش اور ژالہ باری سے متاثرہ فصلوں کے نقصان کی امدادی رقم دینے کے لیے سنجیدگی سے کام کیا جائے گا۔

وزیر زراعت کنشانا نے کہا کہ جن جن اضلاع میں بارش اور ژالہ باری کے واقعات سامنے آئے ہیں، وہاں فوری اثر سے جانچ کے احکامات دے دیے گئے ہیں۔ انہوں نے افسران کو ہدایت دی ہے کہ سروے کا کام شفافیت اور حساسیت کے ساتھ جلد مکمل کیا جائے، تاکہ متاثرہ کسانوں کو امدادی رقم کی ادائیگی وقت پر کی جا سکے۔ وزیر کنشانا نے یقین دلایا کہ کسی بھی کسان کو نقصان کی صورت میں اکیلا نہیں چھوڑا جائے گا اور ریاستی حکومت ہر ممکن مدد فراہم کرے گی۔

وزیر زراعت کنشانا نے کسانوں سے اپیل کی ہے کہ وہ صبر و تحمل سے کام لیں اور مقامی انتظامیہ کے ساتھ تعاون کریں۔ حکومت کی ترجیح ہے کہ کسانوں کو جلد راحت فراہم کر کے ان کی معاشی حالت کو مضبوط کیا جائے۔ انہوں نے کہا کہ ریاستی حکومت کسانوں کے مفاد میں مسلسل کام کر رہی ہے اور مستقبل میں بھی کسانوں کی بہبود کے لیے ہر ضروری قدم اٹھائے گی۔

ہندوستھان سماچار

---------------

ہندوستان سماچار / انظر حسن