جموں, 19 فروری (ہ س)۔

جموں کے نگروٹہ میں واقع فوجی کیمپ میں ایک اگنی ویر اہلکار نے مبینہ طور پر اپنی سروس رائفل سے خود کو گولی مار کر جان دے دی۔

اطلاعات کے مطابق 24 سالہ اہلکار، جس کا تعلق اتر پردیش سے تھا، بدھ اور جمعرات کی درمیانی شب نگروٹہ گیریژن میں گارڈ ڈیوٹی پر تعینات تھا جب اس نے مبینہ طور پر یہ انتہائی قدم اٹھایا۔ اہلکار موقع پر ہی جاں بحق ہوگیا۔لاش کو پوسٹ مارٹم کے لیے گورنمنٹ میڈیکل کالج جموں منتقل کر دیا گیا ہے۔حکام کے مطابق واقعے کی وجوہات تاحال معلوم نہیں ہو سکیں، جبکہ پولیس نے معاملے کی انکوائری شروع کر دی ہے۔

ہندوستھان سماچار

---------------

ہندوستان سماچار / محمد اصغر