پریاگ راج، 18 فروری (ہ س)۔ انسداد بدعنوانی ٹیم نے اتر پردیش کے پریاگ راج ضلع کے بارہ پولیس اسٹیشن کے انسپکٹر انچارج ونود کمار سونکر کو بدھ کو 75,000 روپے رشوت لیتے ہوئے رنگے ہاتھوں گرفتار کرلیا۔ اینٹی کرپشن آرگنائزیشن اسٹیشن پریاگ راج کے انچارج رویندر کمار نے یہ جانکاری دی۔

انہوں نے بتایا کہ بھدوہی ضلع کے سوریاوان تھانہ علاقے کے ویرم پور لکمان پور گاو¿ں کے رہنے والے سنتوش کمار دوبے نے 17 فروری کو پریاگ راج میں انسداد بدعنوانی تنظیم یونٹ میں شکایت درج کرائی تھی، جس میں الزام لگایا گیا تھا کہ باڑہ تھانہ انچارج ونود کمار سونکرولد راجکمار سارناتھ تھانہ ،وارانسی کے رہائشی نے رشوت مانگے۔ اس کے خلاف پریاگ راج پولیس کمشنریٹ کے بارہ پولیس اسٹیشن میں درج مقدمے میں اس کے خلاف حتمی رپورٹ درج کرنے کے لیے 75,000 روپے کا مطالبہ کیا تھا۔ اس شکایت کی بنیاد پر، 18 فروری کو، اینٹی کرپشن آرگنائزیشن پریاگراج یونٹ کی 15 رکنی ٹیم، انسپکٹر موتونجے کمار مشرا کی قیادت میں، متاثرہ کے ساتھ بارہ پولیس اسٹیشن کے انسپکٹر کے دفتر گئی اور انسپکٹر کو شکایت کنندہ سے 75,000 روپے وصول کرتے ہوئے رنگے ہاتھوں گرفتار کیا۔ اس سلسلے میں ملزم ونود کمار سونکر کے خلاف قانونی کارروائی کی جارہی ہے۔

---------------

ہندوستان سماچار / عبدالسلام صدیقی