نئی دہلی، 7 جنوری (ہ س)۔ دہلی پولیس کی کرائم برانچ (ای آر-II) نے ایک مشتبہ شخص کو گرفتار کیا ہے جو قتل کی کوشش کے ایک کیس میں دو سال سے مفرور تھا۔ ملزم محمد اعجاز عرف امبے زخیرہ اور موتی نگر علاقوں میں چھپ کر رہ رہا تھا اور اکثر جگہ بدلتا رہتا تھا۔

پولیس حکام کے مطابق این ڈی پی ایس، آرمس ایکٹ اور دیگر سنگین جرائم میں مطلوب افراد کی گرفتاری کے لیے ایک خصوصی آپریشن کے دوران،ای آر-II ٹیم کو ملزمان کی موجودگی کی اطلاع ملی۔ اس کے بعد مقامی مخبروں اور زمینی نگرانی کے ذریعے اس کی نقل و حرکت پر نظر رکھی گئی۔ پولیس افسر کے مطابق انسپکٹر امیش ستی کی قیادت میں خصوصی ٹیم نے تیزی سے کارروائی کرتے ہوئے ملزم کو گرفتار کر لیا۔ ملزم ان پڑھ ہے اور مزدوری کرتا ہے۔ گرفتاری کے بعد اسے مزید تفتیش کے لیے متعلقہ تھانے کے حوالے کر دیا گیا۔

ہندوستھان سماچار

ہندوستان سماچار / Mohammad Khan