کولکاتا، 6 جنوری (ہ س)۔ مغربی بنگال پولیس نے شمالی 24 پرگنہ ضلع کے سندیش کھالی میں پولیس پر حملے کے کلیدی ملزم موسی مولا کو گرفتار کر لیا ہے۔ انہیں منگل کے روز نجات تھانے کے علاقے سے گرفتار کیا گیا۔

پولیس کے مطابق موسی مولا علاقے میں ترنمول کانگریس کے لیڈر ہیں۔ ان کی گرفتاری کے ساتھ ہی اس معاملے میں اب تک کل 13 لوگوں کو گرفتار کیا جا چکا ہے۔

بتایا جاتا ہے کہ موسیٰ پر زمین پر ناجائز قبضہ کرنے کا الزام تھا۔ اس الزام کی بنیاد پر، عدالت نے زیر بحث زمین پر ضابطہ فوجداری کی دفعہ 144 نافذ کر دی تھی، جس میں کسی بھی تعمیراتی کام پر پابندی لگائی گئی تھی۔ الزام ہے کہ موسیٰ نے اس حکم کو نظر انداز کرتے ہوئے جمعہ کی رات وہاں دیوار بنانا شروع کر دی۔

اطلاع ملنے پر راج باڑی تھانے کی پولیس اہلکار جائے وقوعہ پر پہنچ گئے۔ پولیس ٹیم بوئیرماری میں موسیٰ کے گھر بھی گئی اورانہیں تھانے جانے کو کہا۔ الزام ہے کہ موسیٰ نے پھر اپنے حامیوں کو بلایا، جنہوں نے پولیس اہلکاروں پر حملہ کیا۔ واقعے میں چار پولیس اہلکار زخمی ہوئے، پولیس کی گاڑی میں توڑ پھوڑ کی گئی۔ پولیس معاملے کی تحقیقات جاری رکھے ہوئے ہے۔

ہندوستھان سماچار

---------------

ہندوستان سماچار / عبدالواحد