ممبئی، 6جنوری(ہ س)۔

مہاراشٹر نونرمان سینا کے رہنما اور سابق

کارپوریٹر سنتوش دھوری نے منگل کے روز بھارتیہ جنتا پارٹی میں شمولیت اختیار کر لی،

جس سے ممبئی کی سیاست میں ایک نئی تبدیلی دیکھنے میں آئی ہے۔ ممبئی بی جے پی کے

صدر امیت ساتم نے پارٹی دفتر میں ان کا خیر مقدم کیا۔

امیت

ساتم نے کہا کہ سنتوش دھوری کی بی جے پی میں شمولیت کا خیر مقدم ہے اور پارٹی میں

انہیں مناسب عزت دی جائے گی۔ انہوں نے کہا کہ وزیر اعلیٰ دیویندر فڈنویس نے ورلی

کے علاقے میں 560 اسکوائر فٹ کے مکانات فراہم کیے ہیں، جن سے مراٹھی عوام کو فائدہ

ہوا ہے۔ انہوں نے کہا کہ ہندوتوا کا نظریہ کمزور نہیں پڑنا چاہیے اور بی جے پی اسی

نظریے کے ساتھ آگے بڑھ رہی ہے۔

سنتوش

دھوری نے کہا کہ وہ امیت ساتم کی قیادت میں بی جے پی میں شامل ہوئے ہیں۔ انہوں نے یاد

دلایا کہ 2007 میں منسے کی تشکیل کے وقت وہ شیو سینا سے منسے میں آئے تھے اور پارٹی

میں شاخا صدر اور کارپوریٹر کے عہدے تک پہنچے۔ ان کے مطابق ان کا نظریہ ہندوتوا سے

جڑا رہا ہے، مگر منسے قیادت نے جس اتحاد کا انتخاب کیا، اس میں اصل ہندوتوا باقی

نہیں رہا۔

انہوں

نے کہا کہ اتحاد کے دوران پارٹی کی جانب سے صرف دو نشستوں کا مطالبہ کیا گیا تھا،

مگر یہ مطالبہ قبول نہیں کیا گیا، جس کے بعد منسے چھوڑنے کا فیصلہ کیا گیا۔

واضح

رہے کہ سنتوش دھوری نے پیر کے روز منسے کے تمام عہدوں سے استعفیٰ دے دیا تھا۔ اس

کے بعد انہوں نے وزیر نِتیش نارائن رانے کے ساتھ وزیر اعلیٰ دیویندر فڈنویس سے

ملاقات کی، اور منگل کو باضابطہ طور پر بھارتیہ جنتا پارٹی میں شامل ہو گئے۔

ہندوستھان سماچار

ہندوستان سماچار / جاوید این اے