جموں, 05 جنوری (ہ س)۔ یومِ جمہوریہ کی تقریبات کے پیش نظر اور سیکورٹی انتظامات کو مزید مضبوط بنانے کے لیے جموں پولیس نے ویسٹ زون میں کارروائی کرتے ہوئے ضلع مجسٹریٹ جموں کے احکامات کی خلاف ورزی پر دو افراد کے خلاف مقدمات درج کیے ہیں۔پولیس کے مطابق پولیس اسٹیشن باہو فورٹ کی نگرانی میں پولیس پوسٹ نروال نے دو الگ الگ معاملات میں مکان مالکان کے خلاف بی این ایس کی دفعہ 223 کے تحت مقدمات درج کیے، جنہوں نے بغیر پولیس تصدیق کے کرایہ دار رکھے ہوئے تھے۔ یہ اقدام سیکورٹی ضوابط کی خلاف ورزی کے زمرے میں آتا ہے۔جموں پولیس نے واضح کیا ہے کہ عوامی تحفظ کے پیش نظر کرایہ داروں کی بروقت پولیس تصدیق نہایت ضروری ہے اور اس میں کسی بھی قسم کی لاپرواہی برداشت نہیں کی جائے گی۔ پولیس نے مکان مالکان کو ہدایت دی ہے کہ وہ قانون کی پاسداری کرتے ہوئے اپنے کرایہ داروں کی مکمل تصدیق یقینی بنائیں، بصورت دیگر سخت قانونی کارروائی عمل میں لائی جائے گی۔

ہندوستھان سماچار

ہندوستان سماچار / محمد اصغر