اندور کے واقعے کو لے کر بی جے پی عوامی نمائندوں کے گھر کے باہر کانگریسیوں نے احتجاجی مظاہرہ کیا

مندسور، 04 جنوری (ہ س)۔

مدھیہ پردیش کے اندور میں آلودہ پانی سے ہوئی اموات اور وزیر کیلاش وجے ورگیہ کے ذریعے بے تکے بیان کو لے کر اتوار کو کانگریسیوں نے مندسور ضلع ہیڈکوارٹر پر واقع نائب وزیر اعلیٰ جگدیش دیوڑا اور رکن پارلیمنٹ سدھیر گپتا کے گھر کے باہر گھنٹے گھڑیال بجا کر زوردار مظاہرہ کیا۔ صبح 11 بجے سے بڑی تعداد میں کانگریس کارکنان جمع ہو کر بی جے پی حکومت اور اس کے وزراء کے خلاف گھنٹے، گھڑیال بجا کر زوردار نعرے بازی کی، وہیں رکن پارلیمنٹ سدھیر گپتا کے گھر تک پولیس کے ذریعے لگائے گئے بیریکیڈس کو کانگریس کے کارکنان نے گراتے ہوئے رکن پارلیمنٹ کے گھر کے باہر مظاہرہ کر کے نعرے بازی کی۔

احتجاجی مظاہرہ کے موقع پر ضلع کانگریس صدر مہیندر سنگھ گرجر نے کہا کہ ریاست کا نظم و نسق تباہ ہو گیا ہے۔ ریاست کی حکومت کو عوام سے کوئی سروکار نہیں ہے، بدعنوانی میں گردن تک ڈوبی حکومت کے وزیر غلط بیان بازی کر کے عوام کا مذاق اڑا رہے ہیں۔

رکن اسمبلی وپن جین نے کہا کہ اندور کا واقعہ بے حد قابل مذمت ہے اور یہ انتظامیہ کی ناکامی کو ظاہر کرتا ہے۔ قصورواروں پر سخت کارروائی کر کے متاثرین کو انصاف دینا حکومت کی ذمہ داری ہے۔ اس مظاہرے میں ریاستی کانگریس جنرل سکریٹری سومل ناہٹا، سابق ضلع کانگریس صدر منجیت سنگھ ٹوٹیجا، سابق میونسپل صدر محمد حنیف شیخ، بلاک صدور میں اشٹا بھاچاوت، وکاس دشورا، ونود شرما وغیرہ بڑی تعداد میں کانگریس کارکنان موجود تھے۔

ہندوستھان سماچار

ہندوستان سماچار / انظر حسن