سرینگر، 4 جنوری (ہ س): ۔جنوبی کشمیر کے اونتی پورہ کے بارسو علاقے میں اتوار کی صبح سڑک حادثے میں کیرالہ کے چار سیاح زخمی ہوگئے۔ عہدیداروں نے بتایا کہ زخمی افراد ایک مسافر گاڑی میں سفر کر رہے تھے کہ بارسو، اونتی پورہ کے مقام پر اسے مبینہ طور پر ایک نامعلوم ٹرک نے ٹکر مار دی، جس کے نتیجے میں متعدد افراد زخمی ہوئے۔ زخمیوں کو ایس ڈی ایچ پامپور سے ریفر کرنے کے بعد علاج کے لیے ایس ایم ایچ ایس اسپتال سری نگر منتقل کیا گیا۔ تمام زخمی کیرالہ کے رہائشی ہیں، انہوں نے مزید کہا کہ تمام زخمیوں کی حالت اس وقت مستحکم ہے جبکہ واقعے کا نوٹس لے لیا گیا ہے اور مزید تحقیقات شروع کر دی گئی ہیں۔ہندوستھان سماچار

ہندوستان سماچار / Aftab Ahmad Mir