نئی دہلی، 17 جنوری (ہ س)۔ دہلی کے اندرا گاندھی بین الاقوامی ہوائی اڈے (آئی جی آئی) پر محکمہ کسٹم نے سونے کی اسمگلنگ کی کوشش کو ناکام بناتے ہوئے 2.16 کلو گرام سونا ضبط کیا۔ ضبط کیے گئے سونے کی بین الاقوامی مارکیٹ میں قیمت تقریباً 2.90 کروڑ روپے ہے۔ اس معاملے میں میانمار کے تین شہریوں کو گرفتار کیا گیا ہے۔

کسٹم حکام کے مطابق 14 جنوری کو پریوینٹیو شفٹ ’ڈی‘ کے دوران ینگون (میانمار) سے پرواز نمبر 8ایم-620 پر دہلی آنے والے تین مسافروں کو ٹرمینل 3 کے انٹرنیشنل ارائیولز ہال میں گرین چینل عبور کرتے ہوئے شک کی بنیاد پر روکا گیا۔ 2,158 گرام برآمد کیا گیا۔ برآمد شدہ سونے کی ٹیرف ویلیو کا تخمینہ 2,89,81,530 لگایا گیا ہے۔ کسٹم ڈپارٹمنٹ نے ضبط شدہ سونا کسٹم ایکٹ 1962 کی دفعہ 110 کے تحت ضبط کیا ہے۔ تینوں ملزمان کو آئی پی سی کی دفعہ 104 کے تحت گرفتار کیا گیا ہے۔حکام نے بتایا کہ سمگلنگ نیٹ ورک کے دیگر پہلوو¿ں کی تحقیقات جاری ہیں۔ محکمہ کسٹمز نے واضح کیا کہ اسمگلنگ کی روک تھام کے لیے ہوائی اڈوں پر نگرانی اور سختی سے نفاذ کے اقدامات جاری رہیں گے۔

ہندوستھان سماچار

ہندوستان سماچار / Mohammad Khan