نئی دہلی، 10 جنوری (ہ س)۔

مرکزی وزیر تعلیم دھرمیندر پردھان نے ہفتہ کو اعلان کیا کہ پرکشا پہ چرچہ 2026 نے نیا ریکارڈ قائم کیا ہے۔ اب تک چار کروڑ سے زیادہ آن لائن رجسٹریشن موصول ہو چکے ہیں، جو گزشتہ سال کے 35.6 ملین رجسٹریشن کے گنیز ورلڈ ریکارڈ کو پیچھے چھوڑ دیا ہے۔

ایک بیان میں، پردھان نے کہا کہ وزیر اعظم نریندر مودی کی قیادت میں، پرکشا پہ چرچہ اب صرف ایک سالانہ مکالمہ نہیں ہے، بلکہ یہ ایک قومی عوامی تحریک بن گئی ہے جو ملک بھر کے طلباء کے لیے تناو¿ سے پاک ماحول پیدا کرتی ہے۔

پردھان نے ملک بھر کے طلباء، یا اگزام واریئرس سے اپیل کی کہ وہ پرکشا پہ چرچہ 2026 میں فعال طور پر حصہ لیں۔ انہوں نے کہا کہ اعتماد، ارتکاز اور ذہنی صحت پر وزیر اعظم مودی کا ماسٹر کلاس طلباء کو امتحان کے وقت امتحان سے متعلق تناو¿ پر قابو پانے میں مدد کرے گا۔

انہوں نے بتایا کہ 8 جنوری 2026 تک طلباء، والدین اور اساتذہ سمیت کل رجسٹریشنز 40 ملین سے تجاوز کر چکی ہیں۔ یہ وسیع پیمانے پر شرکت پروگرام کی بڑھتی ہوئی مقبولیت اور طلباء کی ذہنی صحت سے متعلق مسائل پر اس کے مثبت اثرات کی عکاسی کرتی ہے۔

ہندوستھان سماچار

ہندوستان سماچار / عطاءاللہ