کراچی، 16 دسمبر (ہ س)۔

پاکستان کے صوبہ سندھ میں پیر کی آدھی رات سے کچھ پہلے نامعلوم بندوق برداروں نے 19 بس مسافروں کا اغوا کر لیا۔ سدا بہار ٹرانسپورٹ کمپنی کی یہ بس کوئٹہ جا رہی تھی۔ یہ واردات کاشمور کے مرید شاخ علاقے میں ہوئی۔ سکیورٹی فورسز نے ان مسافروں میں سے 10 کو بازیاب کر لیا ہے۔

دی ایکسپریس ٹریبیون اخبار کی رپورٹ کے مطابق ٹرانسپورٹ کمپنی کے مالک شعیب لہری نے بتایا کہ پیر کی رات تقریباً 11.30 بجے گڈو کاشمور لنک روڈ پر گڈو انٹرچینج کے پاس تقریباً 15 بندوق برداروں نے بس کو روکا۔ بس میں مرد، خواتین اور بچے سوار تھے۔ بندوق بردار ان میں سے 15 کو اپنے ساتھ لے گئے۔ یہ اطلاع پولیس اور رینجرز کو دی گئی۔

پولیس اور رینجرز نے بلوچستان کے سونمیانی میں فائرنگ کے بعد 10 اغوا شدہ مسافروں کو چھڑا لیا۔ ڈپٹی انسپکٹر جنرل آف پولیس سکھر کیپٹن (ریٹائرڈ) فیصل عبداللہ چاچڑ نے بتایا کہ بازیاب کرائے گئے کچھ مسافروں میں رحیم یار خان سے محمد عرفان، لال خان اور ذوالفقار علی، مظفر گڑھ سے فیروز خان اور کریم بخش اور سید علی عماد شامل ہیں۔

ہندوستھان سماچار

---------------

ہندوستان سماچار / انظر حسن