نئی دہلی، 6 نومبر (ہ س)۔ وزیر اعظم نریندر مودی 8 نومبر کو شام 5 بجے سپریم کورٹ میں قانونی امداد کے نظام کو مضبوط بنانے پر ایک قومی کانفرنس کا افتتاح کریں گے۔ اس موقع پر وزیر اعظم نیشنل لیگل سروسز اتھارٹی (این ای ایل ایس اے) کے تیار کردہ کمیونٹی میڈیشن ٹریننگ ماڈیول کا بھی آغاز کریں گے اور تقریب سے خطاب کریں گے۔

پی ایم او کے مطابق دو روزہ کانفرنس این ای ایل ایس اے کے زیر اہتمام منعقد کی جا رہی ہے۔ اس میں قانونی خدمات کے بنیادی ڈھانچے کے مختلف پہلوؤں پر تبادلہ خیال کیا جائے گا، بشمول قانونی امداد دفاعی کونسل سسٹم، پینل وکلاء، پیرا لیگل رضاکار، مستقل لوک عدالت، اور قانونی خدمات کے اداروں کا مالی انتظام۔

---------------

ہندوستان سماچار / عبدالسلام صدیقی