پٹنہ، 06 نومبر (ہ س)۔ بہار اسمبلی انتخابات کے پہلے مرحلے کی ووٹنگ آج صبح شروع ہوگئی۔ پہلے مرحلے میں 18 اضلاع کی 121 اسمبلی نشستوں پر ووٹنگ کے ساتھ کئی قدآور امیدواروں کی قسمت ای وی ایم میں بند ہو جائے گی۔ تیجسوی یادو، تیج پرتاپ یادو، اننت سنگھ، میتھلی ٹھاکر اور نائب وزیر اعلیٰ سمراٹ چودھری، نائب وزیر اعلیٰ وجے سنہا سمیت نتیش حکومت کے 16 وزیروں کی قسمت کا فیصلہ پہلے مرحلے میں ہوگا۔

پٹنہ صاحب اسمبلی حلقے کے 410 بوتھوں پر سخت سیکورٹی انتظامات کے درمیان ووٹنگ شروع ہوئی۔ سب ڈویژن علاقے میں 65 پنک بوتھ اور 5 ماڈل بوتھ قائم کیے گئے ہیں۔ پہلے مرحلے کی ووٹنگ کے پیش نظر سیکورٹی کے سخت انتظامات کیے گئے ہیں۔ اس مرحلے میں 18 اضلاع کی 121 نشستوں پر ووٹ ڈالے جائیں گے۔ اس کے ساتھ ہی کل 1314 امیدواروں کی قسمت ای وی ایم میں قید ہو جائے گی۔

ہندوستھان سماچار

---------------

ہندوستان سماچار / انظر حسن