نئی دہلی، 5 نومبر (ہ س)۔

دہلی میں کوآپریٹو بینکنگ اور دیگر کوآپریٹو شعبوں کو بااختیار بنایا جائے گا تاکہ وہ ایک ترقی یافتہ دہلی کی تعمیر میں اہم حصہ ڈال سکیں۔ محکمانہ کام کاج میں شفافیت، نئی بینک شاخیں، آسان مالی امداد، اور خود انحصاری کی اسکیموں پر زور دے کر، ہم دہلی کے کوآپریٹو سیکٹر کو ملک میں ایک رہنما اور ماڈل بنائیں گے۔ دہلی حکومت کے کو آپریٹیو وزیر رویندر اندراج سنگھ نے ذاکر باغ نیو فرینڈس کالونی میں ہیومینٹی فرسٹ ایمبولینس سروس کے آغاز کے موقع پر یہ باتیں کہیں۔

یہ ایمبولینس سروس شدید بیمار مریضوں کو قریبی اسپتالوں تک پہنچانے کے مقصد سے شروع کی گئی ہے۔ یہ ایمبولینس سروس جامعہ کوآپریٹو بینک نے عوام کے لیے وقف کی تھی۔ اس تقریب کا انعقاد کوآپریٹیو کے بین الاقوامی سال 2025 کے تحت دہلی میں ہونے والے پروگراموں کے ایک حصے کے طور پر کیا گیا ۔

رویندر اندراج نے کہا کہ وزیر اعظم نریندر مودی اور وزیر داخلہ امت شاہ کے تعاون کے ذریعے خوشحالی کے عزم نے ہندوستان کی تعاون پر مبنی تحریک کو نئی بلندیوں تک پہنچا دیا ہے۔ ملک کی دو سرکردہ کوآپریٹو تنظیموں امول اورافکو نے عالمی کوآپریٹو رینکنگ میں بالترتیب پہلی اور دوسری پوزیشن حاصل کرکے تاریخ رقم کی ہے۔ پہلی بار ریاست میں وسیع پیمانے پر اصلاحات اور کوششیں کی جا رہی ہیں تاکہ اس بات کو یقینی بنایا جا سکے کہ دہلی کا کوآپریٹو سیکٹر بھی ترقی یافتہ ہندوستان اور ایک ترقی یافتہ دہلی کے لیے اہم کردار ادا کرے۔

اس تقریب میں اپنی نیک خواہشات پیش کرتے ہوئے، وزیر محترم نے کہا کہ جامعہ کوآپریٹو بینک لمیٹڈ تعاون کے جذبے کو فروغ دینے اور چھوٹے کاروباروں کی حمایت کے لیے وقف ہے۔ بینک جنوبی دہلی کے مختلف علاقوں میں آٹھ شاخیں چلاتا ہے، جس کا مقصد غریبوں اور پسماندہ افراد کو مالیاتی بااختیار بنانا ہے۔

بینک کے چیئرمین ایم کیو ایچ بیگ نے کوآپریٹو وزیر کا شکریہ ادا کیا اور کہا کہ بینک اس طرح کے سماجی تعاون میں آگے بڑھتا رہے گا۔ جامعہ کوآپریٹو بینک کی طرف سے شروع کی گئی یہ سروس جامعہ نیشنل فاو¿نڈیشن کے ذریعے چلائی جائے گی اور اس کا انتظام کیا جائے گا۔

ہندوستھان سماچار

ہندوستان سماچار / عطاءاللہ