دھنباد، 5 نومبر (ہ س)۔ جھریا کے بوراگڑھ او پی علاقے میں واقع بی این آر کالونی میں چھٹھ پوجا کے موقع پر منعقد ہونے والے میلے میں منگل کی دیر رات ایک بڑا حادثہ پیش آیا۔ میلے کے احاطے میں نصب تارا ماچی کا جھولا اچانک ٹوٹ گیا جس سے دو خواتین اور ایک مرد گر کر شدید زخمی ہو گئے۔ مقامی لوگوں کی مدد سے زخمیوں کو جھریا کے ایک پرائیویٹ نرسنگ ہوم میں داخل کرایا گیا، جہاں سے ڈاکٹروں نے ابتدائی طبی امداد دینے کے بعد انہیں بہتر علاج کے لیے دھنباد ریفر کر دیا۔

واقعے کے بعد میلے کے میدان میں افراتفری مچ گئی۔ مشتعل افراد نے جھولا چلانے والے کو لاٹھی -ڈنڈوں سے مارا۔ اطلاع ملتے ہی بوراگڑھ او پی پولیس فورس کے ساتھ جائے وقوعہ پر پہنچی اور حالات کو قابو میں کیا۔پولیس نے جھولا آپریٹر کو حراست میں لے کر تفتیش شروع کر دی ہے۔

ہندوستھان سماچار

ہندوستان سماچار / محمد شہزاد