فتح آباد، 5 نومبر (ہ س)۔

ضلع کے رتیہ اناج منڈی میں کام کرنے والے اکاؤنٹنٹ سے حملہ اور نقدی چھیننے کے معاملے پر کارروائی کرتے ہوئے رتیہ پولیس نے بدھ کے روز ایک اور نوجوان کو گرفتار کیا۔ گرفتار نوجوان کی شناخت جگجیت سنگھ عرف جاٹ ولد ستپال سنگھ ساکن وارڈ نمبر 12 رتیہ کے طور پر کی گئی ہے۔ ملزم کو عدالت میں پیش کر کے عدالتی تحویل میں حصار جیل بھیج دیا گیا۔ رتیہ سٹی پولیس اسٹیشن کے انچارج سب انسپکٹر رنجیت سنگھ نے بتایا کہ روہت ولد سرجیت سنگھ ساکنہ گاؤں ٹبی نے پولیس کو دی گئی اپنی شکایت میں کہا ہے کہ وہ رتیہ اناج منڈی میں اکاو¿نٹنٹ کے طور پر کام کرتا ہے۔ 18 فروری کو شام تقریباً 7 بجکر 15 منٹ پر جب وہ بھونا روڈ پر بڑی نہر کے پل کے قریب پہنچا تو تین نامعلوم نوجوانوں نے اس کی موٹر سائیکل روک کر اس پر حملہ کیا اور اس سے 2 ہزار روپے نقدی اور ایک موبائل فون چھین کر فرار ہو گئے۔ شکایت کی بنیاد پر رتیہ سٹی پولیس اسٹیشن میں آئی پی سی کی دفعہ 309 اور 238 کے تحت مقدمہ درج کیا گیا تھا۔ پولیس اس معاملے میں پہلے ہی ایک ملزم کو گرفتار کر چکی ہے۔ اس سلسلے میں پولیس نے اب دوسرے ملزم جگجیت سنگھ عرف جاٹ کو گرفتار کرکے جیل بھیج دیا ہے۔

ہندوستھان سماچار

ہندوستان سماچار / عطاءاللہ