علی گڑھ, 17 نومبر (ہ س)۔

علی گڑھ مسلم یونیورسٹی کے میکانیکل انجینئرنگ ڈپارٹمنٹ کے پروفیسر سید فہد انور کو یونیورسٹی کے سینٹرل آٹوموبائل ورکشاپ کا ممبر انچارج مقرر کیا گیا ہے۔ ان کی تقرری آئندہ دو برسوں یا حکم ثانی تک کے لیے کی گئی ہے۔غورطلب ہے کہ ڈاکٹر انور نے علی گڑھ مسلم یونیورسٹی سے مکینیکل انجینئرنگ اور تھرمل سائنس میں بیچلر اور ماسٹرز کی ڈگری حاصل کی۔ اس کے بعد وہ محکمہ اپلائیڈ میکینکس، IIT، نئی دہلی گئے اور 2006 میں اپنی ڈاکٹریٹ مکمل کی۔ انہیں ڈاکٹریٹ کے کام کے لیے 2006 میں IIT دہلی میں بہترین پوسٹ گریجویٹ پروجیکٹ سے نوازا گیا۔ اس کے بعد انہوں نے 2007 میں مکینیکل انجینئرنگ کے شعبہ میں بطور اسسٹنٹ پروفیسر شمولیت اختیار کی۔ اس شعبہ میں کچھ وقت گزارنے کے بعد پوسٹ ڈاکٹریٹ پروگرام مکمل کرنے کے لیے CNRS فیلوشپ پر پیرس فرانس چلے گئے گیا۔ تب سے وہ مکینیکل انجینئرنگ کے شعبہ، ZHCET، AMU علی گڑھ میں خدمات انجام دے رہے ہیں۔

---------------

ہندوستان سماچار / سید کامران علی گڑھ