حیدرآباد ، 10 نومبر (ہ س)۔

نائب وزیراعلی بھٹی وکرامارکا نے پرائیویٹ کالجز کی فیڈریشن کو یقین دہانی کی کہ فیس ریمبرسمنٹ کے بقایاجات کے طور پر600 کروڑ فوری طور پرجاری کئے جائیں گے۔ کالجز کی جانب سے 1500 کروڑکے بقایاجات کی فوری اجرائی کا مطالبہ کیاجارہا ہے۔ بھٹی وکرامارکا نے کہاکہ حکومت نے 600 کروڑ پہلے ہی جاری کردیئے ہیں اورمزید 600 کروڑ جلدہی جاری کردیئے جائیں گے۔ بھٹی وکرامارکا اوروزیرعمارات وشوارع کومٹ ریڈی وینکٹ ریڈی کی کامیاب مساعی پرپرائیویٹ کالجز کی فیڈریشن نے ہڑتال سے دستبرادری اختیار کرلی۔ وزیراعلی ریونت ریڈی بھٹی وکرامارکا کو کالجز کے انتظامیہ سے مذاکرات کی ذمہ داری تھی۔ بتایاجاتاہے کہ کالجز کی فیڈریشن نے 1500 کروڑ کے بقایاجات کی نشاندہی کی۔ حکومت دو قسطوں میں 1200 کروڑ کی اجرائی کے اقدامات کررہی ہے جس میں 600 کروڑجاری کئے جاچکے ہیں۔ نائب وزیراعلی نے بتایا کہ باقی 300 کروڑ اندرون ایک ہفتہ جاری کردیئے جائیں گے۔ انہوں نے کہا کہ آئندہ تعلیمی سال سے فیس ریمبرسمنٹ سسٹم کا جائزہ لیتے ہوئے اصلاحات نافذ کرنے کے لئے کمیٹی قائم کی جائے گی۔ کمیٹی میں سرکاری عہدیدار اورکالجس انتظامیہ کے نمائندے رہیں گے۔ بھٹی وکرامارکا نے کہا کہ کمیٹی کی رپورٹ کی بنیاد پر فیس ریمبرسمنٹ کے قواعد طے کئے جائیں گے۔ خانگی کالجس کی فیڈریشن نے سکریٹری ہائیرایجوکیشن سری دیواسینا کے خلاف کسی بھی ریمارک کی تردید کی ہے۔۔ہندوستھان سماچار

ہندوستان سماچار / محمدعبدالخالق