جموں, 9 اکتوبر (ہ س)۔

بی جے پی کے قومی جنرل سکریٹری اور جموں و کشمیر کے انچارج ترن چُغ نے جمعرات کو جموں و کشمیر کے وزیر اعلیٰ عمر عبداللہ پر سخت تنقید کرتے ہوئے کہا کہ اقتدار میں ایک سال مکمل ہونے کے باوجود ان کی حکومت عوام سے کیے گئے کسی ایک وعدے کو بھی پورا کرنے میں ناکام رہی ہے۔

ترن چُغ نے میڈیا سے بات کرتے ہوئے کہا کہ جموں و کشمیر کے عوام حکومت سے جواب چاہتے ہیں کیونکہ انتخابات کے دوران کیے گئے کسی بھی وعدے کو عملی جامہ نہیں پہنایا گیا۔ انہوں نے کہا کہ ایک سال گزر چکا ہے اور عوام حکومت سے حساب مانگ رہے ہیں۔ ان کے پانچ سالہ دور کا بیس فیصد وقت گزر چکا ہے، مگر ایک وعدہ بھی پورا نہیں ہوا۔

انہوں نے نیشنل کانفرنس (این سی) پر الزام عائد کیا کہ وہ حقیقی حکمرانی کے بجائے سیاسی سیاحت میں مصروف ہے۔ ترن چُغ کے مطابق، این سی اقتدار کے نام پر سیاحت کر رہی ہے۔ انہیں جموں و کشمیر کی سیاحت سے کوئی دلچسپی نہیں، ان کا مقصد صرف اپنی سیاسی تشہیر ہے۔

پی ڈی پی سربراہ محبوبہ مفتی کے بیان ، جس میں انہوں نے اینٹی بلڈوزر بل لانے کی بات کہی تھی،اُس پر اپنے رد عمل میں ترن چُغ نے کہا کہ نیشنل کانفرنس اور پی ڈی پی دونوں عوامی فلاح کے بجائے موقع پرستی کی سیاست کر رہی ہیں۔

انہوں نے مزید کہا کہ ہر الیکشن جمہوریت کو مضبوط کرتا ہے کیونکہ یہ عوامی شعور کو زندہ رکھتا ہے۔ آنے والے راجیہ سبھا کی چار نشستوں کے ضمنی انتخابات میں بی جے پی پوری طاقت کے ساتھ میدان میں اترے گی۔ بی جے پی کسی باپ بیٹے کی نہیں بلکہ ماں بیٹی اور نظریے پر یقین رکھنے والے کارکنوں کی جماعت ہے۔

ہندوستھان سماچار

---------------

ہندوستان سماچار / محمد اصغر