شملہ، 21 اکتوبر (ہ س)۔ ریاست کے بیشتر حصوں میں منگل کی صبح سے دھوپ چھائی رہی ۔اس سے لوگ ہلکی ہلکی سردی سے لوگ لطف اندوز ہو رہے ہیں۔ محکمہ موسمیات نے پیش گوئی جاری کی ہے کہ آنے والے دنوں میں ریاست کے میدانی اور وسط پہاڑی علاقوں میں بارش اور اونچائیوں پر ہلکی برفباری متوقع ہے۔ دریں اثنا، کئی اضلاع میں گرج چمک، بجلی گرنے اور تیز ہواوں کے لیے الرٹ جاری کر دیا گیا ہے۔

موسمیاتی مرکز شملہ کے مطابق، ریاست میں گزشتہ 24 گھنٹوں کے دوران موسم خشک رہا۔ کم سے کم درجہ حرارت معمول سے 2 سے 3 ڈگری زیادہ ریکارڈ کیا گیا۔ کیلونگ میں سب سے کم ،کم سے کم درجہ حرارت 1 ڈگری سیلسیس ریکارڈ کیا گیا، جب کہ اونا میں سب سے زیادہ درجہ حرارت 33.4 ڈگری سیلسیس درج کیا گیا۔ ریاست کے بیشتر حصوں میں درجہ حرارت معمول پر رہا۔

محکمہ موسمیات کے مطابق ویسٹرن ڈسٹربنس کے فعال ہونے کی وجہ سے آج رات ریاست کے بلند و بالا علاقوں میں ہلکی بارش اور برف باری ہوسکتی ہے۔ 22 اور 23 اکتوبر کو میدانی علاقوں کے کچھ علاقوں میں ہلکی بارش اور اونچے پہاڑی علاقوں میں برفباری کا امکان ہے۔ اس کے بعد 24 سے 27 اکتوبر تک ریاست بھر میں موسم خشک رہنے کی توقع ہے۔

محکمہ موسمیات نے آج رات کئی اضلاع میں گرج چمک اور بجلی گرنے کا ایلو الرٹ جاری کیا ہے۔ یہ الرٹ چمبہ، کانگڑا، منڈی، شملہ، سولن اور سرمور اضلاع کے لیے جاری کیا گیا ہے۔ 22 اکتوبر کو چمبہ، کانگڑا اور سرمور اضلاع میں گرج چمک کے ساتھ طوفان اور آسمانی بجلی گرنے کا ایلو الرٹ نافذ رہے گا۔ محکمہ نے لوگوں کو احتیاط برتنے اور کھلی جگہوں پرزیادہ دیر قیام نہ کرنے کا مشورہ دیا ہے۔

محکمہ نے کہا کہ اگلے تین دنوں میں کم سے کم اور زیادہ سے زیادہ درجہ حرارت میں تبدیلی کا امکان ہے۔ ہلکی برفباری اور مغربی ہمالیائی علاقوں میں بادل چھائے رہنے سے پہاڑی علاقوں میں سردی میں قدرے اضافہ ہو سکتا ہے۔

منگل کو ریاست بھر میں اوسط کم از کم درجہ حرارت معمول سے 0.4 ڈگری سیلسیس زیادہ ہو گیا۔ کم سے کم درجہ حرارت کوکمسیری میں 2.1 ڈگری، تابو میں 2.9 ڈگری، کلپا میں 5 ڈگری، ریکانگ پیو میں 7.9 ڈگری، سیو باغ میں 8 ڈگری، منالی میں 8.4 ڈگری، نارکنڈہ میں 8.7 ڈگری، بھونتر میں 11 ڈگری، شملہمیں.6 12 ڈگری ، سندر نگر میں 12.7ڈگری، ہمیر پور میں 14.1 ڈگری اور بلاسپور میں 15.2 ڈگری سیلسیس درج کیا گیا۔

ہندوستھان سماچار

ہندوستان سماچار / محمد شہزاد