حیدرآباد ، 21 ۔اکتوبر۔(ہ س)۔ پرانا شہرحیدرآباد کے منگل ہاٹ دھول پیٹ علاقہ میں پتنگوں کے گودام میں بڑے پیمانہ پر آگ لگنے کا واقعہ رونماہوا۔ تفصیلات کے مطابق آبکاری ڈپارٹمنٹ کے حدود میں یہ گودام ہے جس میں آج آگ لگ گئی۔ سمجھاجاتا ہے کہ جلتے ہوئے پٹاخہ کی وجہ سے یہ واقعہ پیش آیا۔ تاہم پولیس اس واقعہ کی وجوہات معلوم کرنے کی کوشش کررہی ہے۔اس واقعہ میں گودام میں رکھا سامان جل کرمکمل طورپر خاکستر ہوگیا تاہم کسی کے جھلسنے یا پھرکسی کی موت کی کوئی اطلاع نہیں ملی ہے۔ مقامی افرادنے بتایاکہ اس واقعہ میں بڑے پیمانہ پر مالی نقصان ہوا ہے۔اطلاع ملتے ہی فائربریگیڈس نے وہاں پہنچ کرکافی جدوجہد کے بعد آگ پرقابو پایا۔آگ نے گودام کے قریب رکھی گاڑیوں کو بھی اپنی لپیٹ میں لے لیا۔اس واقعہ پر مقامی افراد خوفزدہ ہوگئے۔فائربریگیڈ کے عملہ نے تقریبا ایک گھنٹہ کی جدوجہد کے بعد آگ پرقابو پایا۔۔ ہندوستھان سماچار

ہندوستان سماچار / محمدعبدالخالق