رانچی، 21 اکتوبر (ہ س)۔ دیوالی کے ساتھ ساتھ پیر کو جھارکھنڈ کی راجدھانی رانچی سمیت ریاست بھر میں کالی پوجا بھی بڑے جوش و خروش کے ساتھ منائی گئی۔ دیوالی کی تقریبات کے بعد دیر رات دیوی کالی کی پوجا کی گئی۔ تانترک اور روایتی طور طریقوں س ہوئی دیوی کالی کی پوجا میں لوگوں کی بڑی تعداد نے شرکت کی ۔

رانچی کے کوکر، ہرمو، کڈرو، کانکے روڈ، کچہری چوک، ڈورنڈا اور دیگر مقامات پر پوجا پنڈالوں میں دیر رات تک عقیدت مند جمع رہے۔رانچی میں واقع منی ٹولہ میں ماں کالی منوکامنا مندر، وردھمان کمپاونڈ کاسموس کلب، اندپوری کالی پوجا، چوٹیا میں نو جاگرتی سنگھ، ایس این یادو چوک پر واقع طوفان کلب اور شری ڈورنڈا بازار کالی پوجا کمیٹی کے علاوہ دیگر مقامات پر کی گئی۔ دیگر مندروں میں بھی رات گئے تک عقیدت مندوں کا ہجوم رہا۔ لوگوں نے مندروں میں دیئے جلا کر خوشی اور خوشحالی کی دعائیں مانگیں۔

دریں اثنا، دارالحکومت رانچی میں دیوالی کے تہوار کے لیے جوش و خروش اور خوشی کا ماحول نظر آیا۔ پورا شہر روشنی سے جگمگا رہا تھا۔ گھروں میں دیئے جب کہ باہر بچوں نے پھلجھڑیاں اور پٹاخے چھوڑے۔پیر کو لوگوں نے صبح سویرے تک پٹاخے پھوڑ کر دیوالی منائی۔

چھنمستکا مندر میں تنتر منتر کی سادھنا اور سدھی کے لئے کئی بڑے تانترکوں نے پوجا کی۔دریں اثنا، رام گڑھ ضلع کے راجرپا میں واقع مشہور شکتی پیٹھ چھنمستکا مندر کو دیوالی اور کالی پوجا کے لیے رنگ برنگی روشنیوں، پھولوں اور غباروں سے سجایا گیا تھا۔ پجاری سبودھ پانڈا نے بتایا کہ چھنمستکا مندر دیوالی کی رات عقیدت مندوں کے لیے کھلا تھا۔ عقیدت مند بڑی تعداد میں دیوی کی پوجا کرنے پہنچے۔

اس بات کو یقینی بنانے کے لیے خصوصی حفاظتی انتظامات کیے گئے تھے کہ چھنمستکا مندر جانے والے عقیدت مندوں کو کسی قسم کی پریشانی کا سامنا نہ کرنا پڑے۔ رات بھر مختلف مقامات سے عقیدت مندوں کی بڑی تعداد دیوی کی پوجا کے لیے پہنچی۔ عقیدت مندوں نے 13 ہون کنڈوں میں یگیہ، منتروںکا جاپ، ہون اور پاٹھ کے ساتھ دیوی ماتا کی پوجا کی۔

ہندوستھان سماچار

ہندوستان سماچار / محمد شہزاد