۔موت کی وجہ ہارٹ اٹیک سمجھی جا رہی ہے

گروگرام، 21 اکتوبر (ہ س)۔ ایئر انڈیا کے ایک فلائٹ سیفٹی آڈیٹر کی پی جی میں پراسرار حالات میں موت ہو گئی۔ پیر کو ان کی موت کی وجہ کی تحقیقات کرنے والی پولیس کا کہنا ہے کہ ان کی موت بنیادی طور پر دل کا دورہ پڑنے سے ہوئی۔

رپورٹس کے مطابق، اصل میں ممبئی کے رہنے والے پرفل ساول گروگرام کے گورو پی جی میں اکیلے رہتے تھے۔ پیر کو اسی پی جی میں ان کا انتقال ہوگیا۔ پی جی کے عملے نے اطلاع دی کہ انہوں نے پیر کی صبح ناشتہ کیا۔ انہوں نے پی جی کیئر ٹیکر کو دوپہر کے کھانے کی ادائیگی بھی کی تھی۔ جب پی جی کے عملے نے انہوں لنچ کے لئے کال کی تو انہوں نے کال نہیں اٹھائی۔کیئر ٹیکر نے ان کے دروازے کے پاس جاکر دیکھا تو دروازہ اندر سے بند پایا۔

کسی ناخوشگوار واقعے کے ڈر سے نگراں نے پولیس کو اطلاع دی۔ تھانہ سیکٹر 40 کی پولیس موقع پر پہنچ گئی۔ دروازہ کھولنے پر انہوں نے پرفل کو بستر پر مردہ پڑا پایا۔ پولیس واقعے کی سی سی ٹی وی فوٹیج کا جائزہ لے رہی ہے۔ وہ پی جی اور آس پاس کے رہائشیوں سے بھی پوچھ گچھ کر رہے ہیں۔

تفتیشی افسر ونیت چودھری نے بتایا کہ ابتدائی تحقیقات اور پوسٹ مارٹم رپورٹ سے پتہ چلتا ہے کہ موت کی وجہ دل کا دورہ تھا۔ لاش لواحقین کے حوالے کر دی گئی ہے۔ ایئر انڈیا نے پرفل کی لاش کو ممبئی پہنچانے کا انتظام کیا ہے۔

ہندوستھان سماچار

ہندوستان سماچار / محمد شہزاد